Былтыр ақтөбелік жастар 80 соғыс ардагердіне көмек көрсеткен
Ақтөбе облысы бойынша меншікті тілші
«Самұрық-Қазына» АҚ компаниялар тобы мен «Қазақстан темір жолы» АҚ-ның «Жеңіс» әлеуметтік-қайырымдылық бірлескен жобасы аясында 12 мыңнан аса ерікті жастарымыз Ұлы Отан соғысының ардагерлері мен тыл еңбеккерлеріне жүйелі түрде қамқорлық көрсетіп келеді.
Ұлы Жеңістің 75 жылдығы қарсаңында басталған жоба әлі күнге жалғасып отыр. Өткен жылы ақтөбелік жастар 80 ардагердің үйіне 400-ден аса рейд жасап, қарттардың қажеттілігіне қарай дәрі-дәрмектен бастап, тұрмыстық техникаларға дейін тарту еткен.
Жуырда «ҚТЖ-Жүк тасымалы» ЖШС – «Батыс» филиалының басшысы Бөріхан Беркімбаев «Жеңіс» әлеуметтік-қайырымдылық жобасының Ақтөбедегі белсенділерін қабылдады. Аймақ басшысы «Жеңіс» әлеуметтік-қайырымдылық жобасының директоры Е.Кенгербаевқа алғыс хат табыстап, теміржолшы жастардың қоғамдық шараларды ұйымдас- тыруда ерекше белсенділігі үшін ризашылығын жеткізді.
«Жастардың қайырымдылық шараларын жүйелі түрде ұйымдас- тырып отыруы – отаншылдық пен рухани құндылықтарды қалыптастыруға ықпал ететін өнегелі іс» деп баға берген Бөріхан Беркімбаев өскелең ұрпақты рухани құндылықтарды насихаттауға, тарихқа және ардагерлердің ерліктеріне құрмет көрсетуге үндеді. «Жеңіс» жобасының аясында өңірдегі барлық Ұлы Отан соғысы және тыл ардагерлерімен таныстық. Тарихи оқиға кейіпкерлерінің естеліктерін өз ауыздарынан естіп, батасын алдық. Жастар қайырымдылық шараларын әрі қарай да жалғас- тыра беруді құптап отыр», – деді жобаның Ақтөбедегі жетекшісі Руслан Жұмағалиев.