Ақтөбеде 14 нысан жаңа модульдік үлгіде жабдықталды.

Ақтөбе белгі беру және байланыс дистанциясы 14 ғимаратты жаңа модульдік үлгіде жабдықтады, деп хабарлайды Rail-news.kz.

Дистанцияда жыл басталғалы қарқынды жұмыстар жүріп жатыр. Соның ішінде ауыз толтырып айтатын ауқымды жұмыстардың бірі апаттық жағдайдағы ғимараттар толықтай жаңартылды. Бұл жұмысшылар үшін қолайлы бола түспек. Шалқар дистанциясы бойынша СП-6 типті электр сигнализациясының жаңаруы да биылғы жасалған жұмыстардың бірі. Ескі желілер Р-80 Альстом компаниясының 50 дана электроприводына ауыстырылды. 

Дистанция аумағындағы Қандыағаш, Жұрын, Жазық, Шалқар, Тоғыз станцияларында дизельді-генератор қондырғылары орнатылды. Ақтөбе СОБ, байланыс жіне электрмен жабдықтау бөлімінің басшысы Жәнібек Жұмабаевтың айтуынша, биыл ШЧ-4 аумағындағы Ізімбет станциясы ПВ-ЭЦ, ПРП-ЭЦ қуатты панельдерімен жаңарған. 

«Ақтөбе станциясындағы Жіңішке, Жайсаң, Қаратоғай, Әлімбет және ШЧ-7 Орал бойынша Амангелді, Переметное, Алғабас, Шыңғырлау және Тасқала, жұп және тақ бағыттағы КТСМ-02 жабдығы ескірген үй-жайлардан жаңа контейнерлік модульдерге ауыстырылды», – дейді Жәнібек Жұмабаев. 

Ақтөбе станциясы аумағындағы Жіңішке, Жайсаң, Қаратоғай және Мәртөк бөлімшелерінде қондырғылар толық модернизациядан өтіп, МП АСДК жабдығы жетілдірілген шкафтармен ауыстырылды. Дистанциядағы жұмыстар мұнымен шектелмейді. Станция аумақтарындағы релелік шкафтарды линзаларға ауыстыру жұмыстары қарқынды жүріп жатыр.