Атыраулықтар теміржолшылар кәсіби мерекесін биыл да ерекше ықыласпен қарсы алды
Атырау облысы бойынша меншікті тілші
Пойыздар қозғалысының қауіпсіздігі жолында жылдың төрт мезгілінде де тынымсыз еңбектенетін теміржолшылар үшін кәсіби мереке саналатын күнді атыраулықтар биыл да ерекше ықыласпен қарсы алды.
Айта кетерлігі, биыл Атырау өңірінен «Құрметті теміржолшы» атағына үш адам ұсынылды. Олар – Ақжайық станциясының бастығы Е.Темірғалиев, Атырау магистральдық желі бөлімшесінің бас инженері А.Рахмеденов және Қарабатан станциясының кезекшісі Г.Таженова. Үшеуі де марапаттарын елордаға барып, ҚТЖ басшылығы қолынан алды.
Сонымен қатар, Атырау локомотив пайдалану депосының бастығы Қ.Таутанов «Үздік басшы», логистика және тасымалды ұйымдастыру бөлімінің инженері Л.Әлімжанова, қызметкерлермен жұмыс бөлімінің инспекторы Г.Хайруллина, вагон пайдалану депосының өндірістік оқыту шебері А.Иманғазиева, Атырау локомотив пайдалану депосы бастығының пайдалану жөніндегі орынбасары Б.Жұмалиев «Адал еңбегі үшін» төсбелгісімен, Атырау вагон пайдалану депосының Ганюшкино станциясы бойынша техникалық қызмет пунктінің бастығы Ә.Мұсағалиев пен Атырау локомотив пайдалану депосы есеп бөлімінің бастығы Г.Санкибаева «Кәсібі бойынша үздік», Ақжайық станциясының пойыз құрастырушысы А.Копреев, логистика және тасымалды ұйымдастыру бөлімінің жетекші инженері С.Меңдіғалиева, өндірістік техникалық бөлім бастығының орынбасары Н.Матаева «Үздік маман» төсбелгісімен марапатталды. Тағы бірқатар мамандар «ҚТЖ» ҰК» АҚ Басқарма төрағасы, «Жүк тасымалы» АҚ Басқарма басшысының, қала әкімнің Құрмет грамотасы, Алғыс хатымен марапатталды. Есімі «Құрмет тақтасына» жазылған мамандар мерейі де арта түсті.
Атырау магистральдық желі бөлімшесінде де салтанатты жиын өтіп, «Адал еңбегі үшін» төсбелгісімен Атырау электрмен жабдықтау дистанциясының механикалық шеберхана бастығы М.Садыхов, Атырау вокзалы бастығының орынбасары М.Әбілова мен Құлсары дистанциясының жол жөндеушісі Ж.Оразғалиевтар марапатталып, көптеген мамандар Магистральдық желі дирекциясы және өңірлік филиал басшылығының Алғыс хатына, «ҚТЖ-25 жыл» төсбелгісіне ие болды.