Табиғатқа – жанашыр көзбен
Тараз қаласы бойынша меншікті тілші
Жамбыл жүк тасымалы бөлімшесінде ағымдағы жылы қоршаған ортаны және табиғатты қорғау қызметі бойынша 16 қызмет түріне келісімшарт жасалған.
Осы бағытта өткен он айда 11, 885 мың теңгеге 9 іс-шара өтті. Ал «Батареяны өткіз – кірпішешенді қорға» акциясы аясында бөлімшеге қарасты мекемелерге қойылған 14 контейнерден барлығы 20,2 келі батарейка жиналған.
– Біз келісімшарт жасасқан «ЭкоРБК» ЖШС жиналған батареялардың көзін жойды. Және теміржол мекемелеріне кез келген жерге тастай салынған батареялардың зияндылығы жөнінде арнайы жадынамалар дайындап ілініп, көпшілікке түсіндіріп жатырмыз. Жуырда «Қалдықты жина – өңдеу орнына өткіз» марафонын өткізіп, онда 439,2 келі қағаз қалдығы жиналды. Ал өткен жылы 3,7 миллион теңгеге Жамбыл локомотив пайдалану депосындағы құмды кептіру пешіне және 5,9 миллион теңгеге Шу локомотив пайдалану депосы құмды кептіру пешіне жөндеу жұмыстары жүргізілді. Бұл да қоршаған ортаға зиянды шаң-тозаңның шығуына тосқауыл болды, – дейді Жамбыл бөлімшесінің қоршаған ортаны қорғау жөніндегі инженері Мерей Бедебай.