Түбек теміржолшылары ырыс пен береке мейрамы – Көрісу күнін ерекше атап өтті

Аймақтар
14.03.2023, 17:58
Суреттерді түсірген автор
Шахида Жұман

Маңғыстау облысы бойынша меншікті тілші

Еліміздің батыс өңірлерінде жұрт көктемге жеткеніне шаттанып, бір-біріне көрісе барып, бір кісідей жұмыла тойлайтын – Амал мейрамын қазақи қаймағы бұзылмаған киелі мекен – Маңғыстаудың халқы ерекше атап өтеді. Бүгін Түбек теміржолшылар ауылында да үлкен той болды.  

Алдымен «Амалға» амал қылған жастар жағы жасы үлкендерге көрісе кірді, «Жыл құтты болсын, жас құтты болсын!» деп амандық саулық сұрасты. Көрісудің соңы ұлттық үлгідегі  көріністер мен ойындарға ұласты. Дастарханға ұлттық тағамдар қойылып, қазақы ыстық ұяның көрінісі қалыптасты.

Маңғыстау қосалқы бөлімінің ғимаратында жаңа отау тігіліп, шаңырақ көтерілді. Жас жұбайлардың алғашқы Амал мейрамында қыз беріп, қыз алған құдалар жағы төс қағыстырып, бір дастархан басында бас қосты. Ата салтына сай арадағы ынтымақты нығайтатын дәстүріміз теміржолшылар аулында осылай қайта жаңғырды. 

Үй иелері жас келіннің көрісе келген төркінін лайықты сый-құрметпен шашуын шашып, ағарғанмен күтіп алды. Кетерде көңілін тағы да көтеріп, арадағы көпірді үзілместей қылып жалғады. Ат мінгізіп, боталы түйе берді. Шапан жауып, шат-шадыман шығарып салды. Бөлімдегі Амал күні осылай жоғары деңгейде атап өтілді. Әр жақсылықтан жұғысты болсын деп ырымдайтын халықпыз ғой. Бұл сценарийдегі тату-тәтті жас жұбайлар өмірі теміржолшы жігіт пен қыз – Шалқар Әзірбайұлы мен Балжан Дуйсенбаеваға жұғысты болып, той көрейік деген тілектер айтылды. Ал ынтымағы жарасқан құдалар рөлін Маңғыстау қосалқы бөлімі теміржолшылар кәсіби одағының төрағасы Әзірбай Тұрмағанбетов пен қауіпсіздік бөлімі басшысы Аманқос Құсайынов, құдағилар бейнесін осы бөлімде еңбек ететін Ақкүміс Шәудірбаева мен  Маржан Аязбаева жоғары деңгейде орындап шықты. Маңғыстау қосалқы бөлімінің бастығы Нәжімеден Ғұбашов жастарға бас болып, бас құда ретінде батасын берді.  

Бұл Маңғыстау теміржолындағы Наурыз мерекесінің басталуы ғана. 16 наурыздан 20-на дейін Маңғыстау және Бейнеу станциясындағы теміржол мекемелерінде тағы да түрлі іс-шаралар ұйымдастырылады деген жоспар бар.    

 

Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды
Жаңалықтар
15.04.2024
Су басқан аймаққа Түркістан өңіріндегі теміржолшылар да атсалысуда
Аймақтар
15.04.2024
Талас станциясынан 24 арнайы ауыр техника тиеген құрам жолға шықты
Жаңалықтар
15.04.2024
Су тасқыны кезінде 21 мыңға жуық адам ҚТЖ пойыздарымен тасымалданды
Аймақтар
15.04.2024
Ақтөбеге ауыр техникалар келді
Аймақтар
15.04.2024
Қызылордадан БҚО-ға жүк пойыздарына тиелген 106 арнайы техника жөнелтілді
Аймақтар
15.04.2024
Атыраулық теміржолшылар су тасқынына қарсы жұмыстарға атсалысып жатыр
Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады