Өнерліге өріс кең

Аймақтар
28.03.2023, 11:22
Суретті түсірген автор
Шахида Жұман

Маңғыстау облысы бойынша меншікті тілші

Наурыз мерекесі қарсаңында «Жүк тасымалы дарындары» байқауына қатысқан түбек теміржолындағы нәзік жандарды бөлімше бастығы арнайы қабылдады. Олардың бәрі де түрлі номинацияға ие болып, қаржылай сертификат, дипломдармен марапатталған.

Бірінен бірі өткен, үйде де, түзде де бесаспап аруларымыздың алтауы да шетінен өнерлі. Олардың бәрі – жұмысы мен отбасын қатар алып жүріп, оған қоса хоббиін кәсіпке айналдырып, қосымша табыс тауып жүргендер. Айталық, он жылдан бері теміржолда еңбек ететін Маңғыстау қосалқы бөлімінің өндірісті қамтамасыз ету секторының жетекші инженер-технологы, үш ұлдың анасы Айнұр Хисмет бос уақытында неше түрлі дәмді тағам пісіріп отбасын қуантуды жаны сүйеді және түрлі іс-шараға қатысып, өлең айтудан да хабары бар екен. Ал осы бөлімде жетекші есепші, өзін әр бағытта дамытып, он саусағынан бал тамған аспаз экономика магистранты Балжан Дүйсенбаева ше?! Анасының жолымен өмірін теміржолмен байланыстырған ару қолы қалт етсе, спортпен айналысып, түрлі елге саяхаттап, танымын толықтырып жүрген жайы бар.  

Отбасылық дәстүрді жалғап, ата-ана ізімен теміржолға қадам басқан Гүлсәнем Шамшиеваның да осы салада жүргеніне он жыл болыпты. Жолдасымен бірге ұл өсіріп отырған ол аталған байқаудағы «Алтын дауыс» иесі. 2014 жылы Маңғыстау теміржолындағы келіндер сынында «Керемет келін» атанған Гүлсәнем ән айтумен қатар шығармашылықпен де айналысады, өлең жазатын көрінеді.  

Ал теміржолшылар әулетінің тағы бір мүшесі Эльвира Аманжанқызының еңбек өтілі жиырма жылдан асады. «Қыз сыны» байқауларының жеңімпазы. Домбырамен күй тартып, киім тігу өнері бар. Бүгінгі хоббиі – кондитерлік сала, түрлі торт пісіреді. 15 шақты шеберлік сыныбына қатысып, алдағы арманы мұны кәсіпке айналдырып, отбасы бюджетіне қосымша кіріс кіргізсем дейді. Болашақта мықты кәсіпкер атануды армандайды.  

Ал «Тоқыма шебері» дипломын алған Жарасқан Түлкібаева болса 12 жылдан бері Маңғыстау станциясында еңбекті нормалау бойынша инженер-технолог. Оның бармағы бірігіп, саусағы жіпке тисе, неше түрлі көзтартар бұйымдар жасап шығарады. Бала күнінен қыз балаға қажетті қолөнерге әуестенген ол небір сәнді киімдерді оп-оңай дайындайды.

Жаңашылдыққа жаны құмар, заман ағымына ілесіп жүруді қалайтын болашақтық ару Нұрайна Тұрғанбаеваның өнері тіпті ерекше. Резинарт техникасын меңгеріп, көзтартар картиналарды сұранысқа сай әп-сәтте әзірлеп беретін ол Болашақ станциясында бір жылдан бері тауар кассирі. Еңбек жолын жаңа бастап жатқан келіншек күйеуімен бірге Болашақтан бақыт тапқан жастардың бірі.  

 

Жаңалықтар
10.05.2025
Павлодарлық теміржолшылар ардагерді Жеңіс күнімен құттықтады
Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі