Теміржол мекемелерінің ауласы абаттандырылды (Фото)
Маңғыстау облысы бойынша меншікті тілші
Түбек табиғатының қатал болуына қарамастан теміржол мекемелерінің ауласы жаз бойы жасыл желекке бүркенеді. Бұл – әрине көктем туа жаппай көгалдандыру жұмыстарына кірісетін теміржолшылардың еңбегі.
Осы аптада Маңғыстау қосалқы бөлімінің ұжымы сенбілікке шығып, бір күнде іргедегі бақшаға жан бітіп, құлпырып шыға келді. Бөлімнің бас инженері Қарақат Жақанов бастаған теміржолшылар ғимараттың төңірегін жылан жалағандай етті. Ағаштарға жан бітіп, бүршік жара бастаған. Артық өскіндерін кесіп, түбін қопсытып, суарып, ақтап, айналасын тазартып, жаңа көшеттер отырғызып, жинақы қалыпқа келтірді. Мұндай жұмыстар бөлімге қарасты өзге мекемелерде де жалғасын табуда. Бөлімшеге қарасты жол, электрмен жабдықтау, белгі беру және байланыс дистанциялары, өрт сөндіру пойызы, басқа да мекемелер апта сайын сенбілікке шығып, өз ғимараттарының айналасын тазартып, тал-теректі кесіп, жаңадан көшеттер отырғызуда.
Бөлімше директорының орынбасары Нұрболат Шалғабайдың бұл жолы көгалдандыру мақсатында 30 түп жас өскін отырғызылса, келер аптада тағы да осы көлемде көшет егу жоспарланып отырғанын жеткізді. Ендігі жолы жемісті және көрікті ағаштардың көшеттерін отырғызу қолға алатынын айтады.
