Теміржолшыларға жемқорлықтың алдын алу мәселесі түсіндірілді
Тараз қаласы бойынша меншікті тілші
Жамбыл жүк тасымалы бөлімшесінде «Сыбайлас жемқорлықтың кез келген көрінісіне нөлдік төзбеушілік қағидатын қалыптастыру» тақырыбында дөңгелек үстел өтті.
Жамбыл бөлімшесінің бас инженері Дүйсен Сыдықов бастаған теміржолшылар мен ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті, Теміржолдағы СЭБ, құзырлы орган өкілдерімен қатар жиын үлкен студияда өткендіктен барлық телімдегі теміржол мекемелері мен станция басшылары да құлағдар болып отырды.
Дүйсен Тұрсынбайұлы сыбайлас жемқорлыққа қарсы іс-қимыл бойынша Ұлттық компанияның саясатын ұстанып, жергілікті жерде қандай жұмыстар атқарылып жатқандығын баяндап өтті. Теміржолшыларға әр мекемеде сыбайлас жемқорлықтың алдын алуда түсіндіру шараларының тұрақты жүргізіліп, барлық мекемелер мен станцияларда «Жедел желі», «Адал жол» жобалық кеңселерінің нөмірлері ілініп тұрғандығын жеткізді.
Өз кезегінде жиынға қатысып отырған құзырлы сала мамандары теміржолшыларға сыбайлас жемқорлықтың, сөзбайласудың ертеңгі күні қандай жағдайға алып баратынын және оның алдын алу жолдарын түсіндірді.