Атырауда жүзден астам теміржолшы марапатталды

Аймақтар
07.08.2023, 11:09
Суретті түсірген автор
Қосұйым Мұқашев

Атырау облысы бойынша меншікті тілші

Биыл атыраулық теміржолшылар да кәсіби мерекені ерекше көтеріңкі көңіл-күймен қарсы алды. Салтанатты шараға жиналғандар алдында сөз алған  Атырау жүк тасымалы бөлімшесінің директоры Аслан Базарғалиев пен магистральдық желі бөлімшесінің басшысы міндетін атқарушы Амангелді Рахмеденов әріптестерін мерекемен құттықтап, өндірістік көрсеткіштерге қысқаша тоқталды.  

Өңірде жүк тиеу, жүк түсіру көлемі ойдағыдай орындалып келеді. Ал негізгі қызмет бойынша тасымал арқылы қаржылай табыс көлемі былтырғы жылғы осы уақытқа қарағанда 52,6% немесе 9 млрд 702 млн 974 мың теңгеге артық шыққан. Бұл жақсы көрсеткіш, қомақты табыс деуге болады. Атырау магистральдық желі бөлімшесі 2022 жыл қорытындысымен салалық жарыстан екінші орын алды.  

– Мұның бәрі – сіздердің табанды еңбек, маңдай терлеріңіздің арқасы. Жұмыстарыңыз әрқашан жемісті, отбасыларыңыз аман, төл мерекеміз құтты болсын, – деді бөлімше басшысы.  

Еңбектің еленуі қашан да мерей өсіреді. Мерекеге орай көптеген теміржолшылар марапатқа ие болды. Биылғы жылы өңірден екі адам «Құрметті теміржолшы» атағына ие болды. Атырау жол дистанциясына қарасты №7 телімнің жол шебері Асқар Ертаев марапатын Астана төрінде компания басшысының қолынан алса, Атырау вагон пайдалану депосының өндірістік қауіпсіздік және экология секторының басшысы Айсәуле Әбдіғалиеваға бөлімше басшысы табыс етті.    

Сонымен қатар жүзден аса адам: станция кезекшілері, жол жөндеуші, электромеханик, пойыз құрастырушы, машинист, оның көмекшісі, вагон жөндеуші, кассир, жүк қабылдап-жөнелтуші, т.б. мамандар «Қазақстан темір жолы» ҰК» АҚ Басқарма төрағасының, Жүк тасымалы, Магистральдық желі дирекциясы, жергілікті бөлімше басшыларының Алғыс хат, Құрмет грамоталарымен, «Үздік басшы», «Кәсібі бойынша үздік» атағымен марапатталды.  

Одан бөлек «ҚТЖ» ҰК» АҚ және бөлімше Құрмет тақтасына суреттері ілінген мамандардың  да аты аталды. Сондай-ақ темір жол саласына айтарлықтай еңбек сіңірген бүгінгі бір топ ардагерлер Компания және бөлімше ардагерлер кеңесінің Алғыс хатымен марапатталды. Осылайша аймақ теміржолшыларының мерейін  үстем еткен төл мереке әрі қарай табиғат аясында демалып, Жайық өзенінде теплоходпен серуендеуге ұласты.    

 

Жаңалықтар
21.03.2025
Теміржолшылар Наурыз мейрамын атап өтті
Аймақтар
21.03.2025
Машинистер ауылындағы той
Аймақтар
21.03.2025
Сән-салтанаты жарасқан
Аймақтар
21.03.2025
Көне дәстүрді жаңғыртты
Жаңалықтар
21.03.2025
ҚТЖ-да Наурызнама онкүндігі өтуде
Жаңалықтар
21.03.2025
«Жас Темір» – жас мамандар мүмкіндігі
Әлеумет
21.03.2025
ҚТЖ компаниясы Наурызнама онкүндігіне белсенді атсалысуда
Аймақтар
21.03.2025
«Кедентранссервис» АҚ Атырау аймақтық филиалы Наурыз мейрамын ерекше атап өтті
Жаңалықтар / Мұрағат
21.03.2025
«Қазақстан теміржолшысы» газеті, №21 21 наурыз 2025 жыл
Жүк тасымалы
20.03.2025
ОТКК Кеңесі бидайды Ресейге экспорттауға тыйым салды
Аймақтар
20.03.2025
Ақтөбеге понтондық көпір паркі жеткізілді
Аймақтар
20.03.2025
Шымкентте 1300-ге жуық теміржолшы еңбек қауіпсіздігі курсынан өтті
ҚТЖ келбеті
20.03.2025
«Айкөрпе» – Айзаданың бренді
ҚТЖ келбеті
20.03.2025
Саятшылықты серік еткен ағайынды теміржолшылар
Аймақтар
20.03.2025
Абай мұражайына танымдық саяхат жасады
ҚТЖ келбеті
20.03.2025
Шабандоз теміржолшы
Аймақтар
20.03.2025
Қарағанды өңірінде 160 шақырымнан астам темір жол жөнделуде
Жүк тасымалы
19.03.2025
Жолаушылар пойыздарының пошта-багаж вагондарында жүктерді тасымалдау бойынша жаңа сервис
Жаңалықтар
19.03.2025
Теміржолшылар су тасқыны кезеңіне дайындық бойынша кешенді іс-шаралар өткізуде
Жаңалықтар
18.03.2025
Жаңаарқа станциясында локомотивтегі өртті сөндіру жаттығуы өтті