Семей магистральдық желі бөлімшесінің 8 аумағында қызыл су басу қаупі бар

Аймақтар
12.03.2024, 11:55
Суретті түсірген автор
Қуаныш Қожаев

Абай облысы бойынша меншікті тілші

Еліміздің шығысы өзен-көлдер мен су қоймаларының саны бойынша республикада алдыңғы орында тұр. Сәйкесінше, Семей ЖТ бөлімшесі көктемгі су тасқыны қаупі аса жоғары аймақта орналасқан. Қазір теміржолшылар үшін аса маңызды кезең басталды. Желі бойында көктемгі су тасқынына байланысты қауіпсіздік шаралары күшейтілуде.

Соңғы көрсеткіштер бойынша бөлімшедегі «солтүстік тармақ» бойынша қатқан тоңның қалыңдығы – 117 см, Жаңа-Семей – Дегелең телімінде 160 см болып тіркелген. Бұл еріген қар суы жерге сіңе алмай, сай-саланы қуалап, желі бойына, теміржол инфрақұрылымдарына қауіп төндіруі мүмкін деген сөз. Осы орайда теміржолшылар қауымы жоспарға сәйкес жергілікті атқарушы органдармен бірлесіп, аймақтағы тірек гидротехникалық нысандардың жай-күйіне мониторинг жүргізу шараларына назар аударуда. Яғни арнайы құрылған жұмыс тобы өңірдегі еріген қар суы жиналған аймақтарды, соның ішінде биылғы жылғы су тасқыны кезеңінде ықтимал қауіпті орындарды тексеруде.  

Бүгінде өңір бойынша барлығы жүзге жуық гидротехникалық құрылыс бар. Оның біршамасы желі бойына таяу орналасқан. Әсіресе Шар – Жарма – Үшбиік телімдері біршама алаңдатып отыр. Себебі наурыз айының 10-ы күнгі көрсеткіш бойынша аталмыш аумақта 7 градусқа дейін күннің жылынуы байқалған. Әйтсе де, дәл қазіргі күні теміржол нысандарына төніп тұрған қауіп жоқ.  

Бүгінде Семей магистральдық желі бөлімшесінің 8 аумағында қызыл су басу қаупі аса жоғары. Осы ретте НЖС-6 бөлімшесіне тиесілі 440 көпір, 368 құбыр, 181 км арық, 1216 км су жүретін арналар қардан толық аршылып, тазаланған. Сонымен қатар көктемгі сең жүру және қызыл су тасқынының алдын алып, қажет жағдайда шұғыл жұмылдыру мақсатында қажетті техникалар да әзірленген.  

Айта кетерлігі, теміржолшылар төтенше жағдай туындай қалса, құтқарушылармен және жергілікті атқарушы билік өкілдерімен бірлесіп әрекет етуге тастүйін дайын отыр. Мәселен, қазіргі таңда бөлімше көлемінде көктемгі су тасқынына қарсы жедел әрекет ету үшін 1285 адам және 460 бірлік техника, 11 жүзу құралы, 161 су құрылғысы дайындалыпты. Төтенше жағдайлар кезінде адамдарды эвакуациялау үшін облыс аумағында 4400 орындық 37 уақытша орналастыру пункті орналасқан. Яғни аталмыш бағытта аймақ әкімінің назарға алуымен бірқатар жұмыстар жүргізілген.  

Биылғы жылы Семей магистральдық желі бөлімшесінің басшысы Айдын Шәукежановтың тікелей бастамасымен көктемгі су тасқынының алдын алу шаралары қауырт жүргізілді. Мәселен, алдағы уақыттарда бөлімше бойынша 5 арнайы пойызды жасақтап, желі бойына шығаруға мүмкіндік бар. Бұдан өзге темірбетонды шпалдар бар. Инертті материалдар қоры да жеткілікті.  

Десек те, Семей ЖТ бөлімшесі бойынша көктемгі қызыл су алу қаупі ең жоғары аймақтар ретінде Жаңа-Семей және Аягөз жол дистанциясының қарамағындағы телімдер қатаң түрде назарға алынған. Жолшылар қауымына күш түсіп тұр. Локомотив бригадаларына да қырағылықты арттыру тапсырылған.  

Семей бөлімшесі бойынша жалпы саны 89 қауіпті орын бар. Осыған орай су шаруашылығы нысандарымен байланыс күшейтілген. Қажетті жағдайда желі бойындағы кейбір телім бойына тәуліктік кезекшілік орнатылатын болады.  

 

Жаңалықтар
23.05.2025
Қазақстанда алғаш рет жартылай вагондарда контейнерлерді тасымалдау технологиясы енгізілді
Жолаушылар тасымалы
23.05.2025
ҚТЖ балаларды пойызда тасымалдау ережелерін еске салды
Жаңалықтар
23.05.2025
Заманауи CRRC тепловоздары елдің солтүстік аймақтарында пайдаланылатын болады
Әлеумет
23.05.2025
Еңбеккер мүддесі – бірінші орында
Спорт
23.05.2025
Көкшетаудағы чемпионаттан жамбылдықтар жүлдемен оралды
ҚТЖ келбеті
23.05.2025
Еңбекпен есімі танылған байланыс шебері
Аймақтар
23.05.2025
Абай мұрасы – теміржолшылар назарында
Жаңалықтар
23.05.2025
Заманауи маневрлік тепловоздар жеткізілді
Жаңалықтар / Мұрағат
23.05.2025
Қазақстан теміржолшысы газеті, №39 23 мамыр 2025 жыл
Жолаушылар тасымалы
22.05.2025
Балқаш курорттық аймағына жазда қосымша пойыздар қатынайды
ҚТЖ келбеті
22.05.2025
Шымкенттік инженер ойлап тапқан қорғаныс құрылғы 18 депода қолданылуда
Спорт
22.05.2025
Кәсіподақтың 120 жылдығына орай шағын футболдан турнир өтті
Инфрақұрылым
22.05.2025
Көлік-логистика саласында бірқатар жоба іске асады
Жаңалықтар
22.05.2025
«Алматы-Ақтөбе» пойызының жолаушысынан марихуана табылды
Әлемде
21.05.2025
Қытай Моңғолиямен шекарада жаңа теміржол желісінің құрылысын бастады
Жаңалықтар
21.05.2025
«Самұрық-Қазына» мен Alstom серіктестік мәселесін талқылады
Жаңалықтар
21.05.2025
Қазақстан мен Грекия логистика саласындағы әріптестікті нығайтуда
Жаңалықтар
21.05.2025
Қостанай станциясында эпилепсиямен ауыратын әйелге шұғыл көмек көрсетілді
Жаңалықтар
20.05.2025
ҚТЖ 36 өндірістік нысанды жөндеуден өткізеді
Жолаушылар тасымалы
20.05.2025
Жазғы маусымда Алакөлге қосымша вагондар іске қосылады