Маңғыстаулық теміржолшылар Амал мерекесін ерекше атап өтті (Фото)

Аймақтар
18.03.2024, 14:45
Суретті түсірген автор
Шахида Жұман

Маңғыстау облысы бойынша меншікті тілші

Жыл басы Наурыз батыста 14 наурыз – «Амал мерекесі» – Көрісу күнінен бастау алады. Биыл бүкіл еліміз болып айрықша атап өткен бұл күнді маңғыстаулық теміржолшылар да жылдағы әдетінше жоғары деңгейде қарсы алды.

Амал күні ертелетіп Маңғыстау жүк тасымалы бөлімшесіне келдік.  Жол-жөнекей жұмысқа бара жатқан, түнгі ауысымнан шығып үйіне қайтып жатқантеміржолшылар бір-бірімен төс қағыстырып қауқылдай амандасып, мерекемен құттықтап жатты. Әне түнгі жұмыстан шығып жатқан вагон қараушылар мен сол күнгі кезекті ауысымға келіп жатқандар бір-бірімен көрісіп, төс қағыстырып жатыр...  Үстеріндегі қызғылт сары формасы мен киімнің жарық қайтарғышы алыстан «мен мұндалап» тұр...Жүз жылғы жоғалтқанын тапқандай құшақ жая, бауырына басып, жақсы тілектерін жаудыртып жатқан халық...  жып-жылы көрініс... 

Ауладан енгеннен мерекелік леп байқалады, әдемі ән мен төгілген күй қатар алмасып, ғимарат алдына мейрам нақышын келтірер банердің алдын босатпай суретке түсіп жатқан қызылды-жасылды ұлттық киім киген қауым мерекенің сәнін кіргізе түскен. Ұлттық үлгіде құрылған сахна төрінде түбектің атын шығарып жүрген өнерпаз жігіттер. 

 Мерекелік шараға жиналғандарды Маңғыстау қосалқы бөлімі бастығы Нәжімеден Ғұбашов пен маңғыстаулық теміржолшы ардагерлер кеңесінің төрағасы Амандық Алдабергенов ақсақал құттықтап, адам аузы аққа, мал басы көкке жеткен Наурыз айы құт-береке әкелсін, Амал мерекесі құтты болсын деп игі тілектерін арнады, теміржолшылардың жыл бойғы еңбегіне табыс тіледі. 

Әрі қарай жиналғандар мекеменің шарбағына жеміс ағаштарын отырғызып, биылғы көгалдандыру рәсімін бастап берді.

Аулаға тігілген ұлттық нақышта безендірілген ағаш үйдің ішіне кіріп тамашаладық.  Керегеде қасқыр ішік, оқалы шапан ілініп, оюлы сандық, құрақ көрпе, сырмақ төселіп,  дастархан жайылған. Бір-бірінен қазақи киім кию үлгісімен жарысса жеңілгені болмайтындай көз тарта құлпырған қыз-келіншектер қызмет көрстеуде.  Сыртта басталған ойын-сауықта нәзік жандар би биледі, ұршық иіруден жарысты. Ер азаматтар күш сынасып, кір тасын көтерді, арқан тартты. Жеңімпаздар сыйлықтармен марапатталды. Темір жолдың талай жылғы қызығы мен шыжығын көрген ақжаулықты аналар жағы келін түсіріп, сәбиді бесікке салып, отбасындағы құндылықтарды сахнада дәріптеді. 

Жүк тасымалы
21.10.2025
Тоқаев: Былтыр Транскаспий бағытымен жүк тасымалдау көлемі 62 пайызға өсті
Жаңалықтар
21.10.2025
Тоқаев пен Ильхам Әлиев Орта дәлізді дамыту жобасымен танысты
Жаңалықтар / Жолаушылар тасымалы
21.10.2025
«Поттер пойызы» қазақ тіліндегі жаңарған бағдарламасымен және жаңа кейіпкерлерімен жолға шығады
Жаңалықтар
21.10.2025
Білім ордасына – 80 жыл
Сұхбат
21.10.2025
Қыс маусымы: Еңбек қауіпсіздігіне ерекше назар
ҚТЖ келбеті
21.10.2025
Еңбекпен өрілген өмір: Бахтарбек Жүнісовтың еңбек жолы
Жолаушылар тасымалы
21.10.2025
ҚТЖ жолаушыларына арналған ТОП-5 қолайлы сервис
Аймақтар
21.10.2025
Ұлт руханиятының қайнар көзі
Жаңалықтар / Мұрағат
21.10.2025
Қазақстан теміржолшысы газеті, №87 21 қазан 2025 жыл
Қауіпсіздік
20.10.2025
Таразда болашақ теміржолшыларға қауіпсіздік сабақтары өтті
Жаңалықтар
20.10.2025
ҚТЖ басшылығы Stadler зауытында болды
Аймақтар
20.10.2025
Тазалық акциясы тоқтамайды
Аймақтар
20.10.2025
Ақмола теміржолшылары 7,2 млн тонна жүк тиеді
Әлемде
20.10.2025
Үндістан 7000 км жоғары жылдамдықты теміржол желісін салмақ
Жүк тасымалы
20.10.2025
Темір жолдағы серпін: 9 айда 339 млн тонна жүк тасымалданды
Жолаушылар тасымалы
20.10.2025
Арқалық-Державинская бағытында жаңа қала маңы пойызы іске қосылды
Аймақтар
19.10.2025
Орал қаласының вокзалын қайта жаңарту тұрақты бақылауда
Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті