Атырау облысы аумағында су деңгейі тұрақты

Аймақтар
02.04.2024, 12:09
Қосұйым Мұқашев

Атырау облысы бойынша меншікті тілші

Мамандардың айтуынша, бүгінгі таңда Атырау облысының аумағында су деңгейі тұрақты. Дегенмен, облыс елдімекендерінде су тасқынының негізгі қаупі Орынбор облысындағы Ириклинск және Волгоград су қоймаларынан судың көп келуіне, сондай-ақ өр, еріген қар суларының артуы салдарына байланысты болып отыр.

Сала мамандарының мәліметінше, әзірге темір жолға төнген қауіп жоқ, бірақ сақтық шаралары жасалып отыр. Жалпы, су тасқынына қарсы 2024 жылға жергілікті бюджеттен 2 млрд 374 млн бөлініп, оның ішінде 1 млрд 358 млн теңге төтенше қорға, 1 млрд 16 млн теңге шұғыл шығындарға қаралған. Көктемгі су тасқынына қарсы 17 тонна жанар-жағар май, 48,5 тонна инертті материалдар дайындалып, 1 153 адам, 303 техника, 16 дана жүзгіш құрал және 107 дана мотопомпа жұмылдырылған.  

«Жолды су шайып кетуге қарсы 2 пойыз жасақталды, олар Ганюшкино мен Құлсары станциясында орналасқан» деген Атырау магистральдық желі бөлімшесінің бас инженері Аманқос Жылқыбаев көктемгі сел тасқыны, өр, жаңбыр сулары ағысы кезінде жолдың, жол төсемінің және жасанды құрылыс кешендерінің сақталуына қатысты техникалық іс-шаралар өз деңгейінде орындалып жатқанын жеткізді. Облыс аймағындағы темір жол торабы бойынша негізгі жолдың ұзындығы – 555,8 шақырым. Бөлім шенің қызмет көрсету учаскесінде жол аралығында 56 көпір, 204 темірбетонды су құбыры бар. Атырау облысы аумағында негізінен Жайық өзені өтеді, сондай-ақ Қиғаш, Жем, Сағыз, Ойыл өзендерінің де тасуы мүмкін, ауа райының жылуына байланысты біртіндеп еріп жатыр. Каспий теңізі де бүйірде тиіп тұр. Биылғы жылы жауған қар көлемі жылдағыдан көп болмағанымен, су негізінен Ресейден ағыспен келетіндіктен, су тасқыны болуы ықтимал. Әсіресе Ресеймен шектес Қиғаш өзенінен қауіп бар. Соған орай бүгінде бөлімше бойынша сақтық жұмыстары ұйымдастырылып, су тасқыны үшін вагондармен келген жабдықтар Ганюшкино станциясында тұр. Атырау облысы аймағына қарасты теміржол торабы бойынша су шайып кетуге қарсы 2 поезд құрамы, 14 вагон жасақталған. Оның ішінде Атырау жол дистанциясы бойынша 2 вагон, Құлсары дистанциясы бойынша 5 вагон, шебін, құм, құрал-жабдықтар тиелген 7 вагон Ганюшкино станциясына, 7 вагон Құлсары станциясына бекітіліген.  

Наурыз айының басында Ганюшкино станциясына жақын Шортанбай және Дыңғызыл селолық округтерінің қауіпті деген учаскелеріне барып, тексеріп, нәтижесінде су ағатын жүйелерді қосымша тазарту жұмыстары жүргізілген. Жалпы өңірде су тасқыны қаупін болдырмау үшін қажетті заттар дайындалды, тамақтандыруды ұйымдастыру бойынша келісімшарттар жасақталды. Мамандардың пікірінше, соңғы жылдары Жайық өзенінің деңгейі төмен. Биыл Атырауда қар көлемі әдеттегі мөлшерден аспады, бірақ жауын-шашын көп болды. Көктемгі су тасқыны аймаққа еш зиянын салмай өте шығады екен деп қаннен-қаперсіз отыруға тағы болмайды. Қазірдің өзінде Миялы селосында 1486 текше метр су сорылған. Сондықтан қала-аудандардағы арнаулы техникаларды, тасқынға қарсы тұрғызылған бөгеттерді жөндеу, елді мекендердің қауіпті аймақтарына топырақ, қапшық, жанар-жағармай жеткізу, темір жол бойын су тасқынынан сақтау шаралары алынды.  

«Қазірде жасанды құрылыс кешендері, көпірлер, темірбетонды тұрбалар, кюветтік су жүрісі жыралары қардан, қоқыстан тазартылып, күнделікті күтіп-ұстау, жөндеу жұмыстары жүріп жатыр. Су тасқыны кезінде шайып кету қаупі бар көпірлер мен тұрбалар күнделікті диспетчерлік бақылауға алынған. Жасанды инженерлік құрылыстар жіті назарда», – дейді Атырау қосалқы бөлімінің азаматтық қорғаныс және төтенше жағдайлар жөніндегі инженері Нұрлан Сұлтанғалиев.

 

Жаңалықтар
19.04.2024
“БКЛК” АҚ серіктестігі: ынтымақтастықты нығайту, теміржол логистикасын дамыту
Аймақтар
19.04.2024
Маңғыстау вокзалы үлкеюі мүмкін
Жаңалықтар
19.04.2024
ҚТЖ өкілдері ТЖЫҰ басқарушы органының отырысына қатысты
Жаңалықтар
19.04.2024
Қазақстан мен Түркия аралас жүк тасымалын дамыту жөніндегі бірлескен комитет құрады
Аймақтар
19.04.2024
Маңғыстаулық өрт сөндіру пойызы дайындықтарын пысықтады
Әлеумет
19.04.2024
Су тасқынынан зардап шеккен теміржолшылар отбасы назардан тыс қалмайды
Жаңалықтар
19.04.2024
Теміржолшылар мемлекеттік тілден тест тапсыруда
ҚТЖ келбеті
19.04.2024
Мемлекеттік тілге деген сұраныс артып келеді – тренер
Инфрақұрылым
19.04.2024
Қызылордада бағыттамалы бұрма ауыстырылды
Жүк тасымалы
19.04.2024
Елімізде тасымалды контейнерлендіру бағдарламасы әзірленіп жатыр
Аймақтар
19.04.2024
Атырау облысында су тасқынымен күрес жалғасып жатыр
Жаңалықтар / Мұрағат
19.04.2024
«Қазақстан теміржолшысы» газеті, №34 19 сәуір 2024 жыл
Цифрландыру
18.04.2024
Көлік министрлігі мен ҚТЖ цифрлық теміржол платформасын құрмақ
Жаңалықтар
18.04.2024
ҚТЖ Алматы-Атырау бағыты бойынша қосымша пойыз тағайындады
Жаңалықтар
17.04.2024
"Самұрық-Қазына" тобы су тасқынына қарсы күреске 15 млрд теңге бөледі
Әлемде
17.04.2024
Alstom Венгриядағы зауытын модернизацияламақ
Инфрақұрылым
17.04.2024
Теміржолда жоспарлы тексеру жүріп жатыр
Әлемде
17.04.2024
Локомотивтер эволюциясы: паровоз алыптарынан қазіргі жүрдек пойыздарға дейін
Жүк тасымалы
17.04.2024
Теміржол көлігімен жүк тасымалдау көлемі 70,7 млн тоннаны құрады
Жүк тасымалы
17.04.2024
ҚХР-ға теміржол арқылы жүк экспорты өсті