Атырауда методикалық сабақ өтті

Аймақтар
12.04.2024, 09:06
Суретті түсірген автор
Қосұйым Мұқашев

Атырау облысы бойынша меншікті тілші

Жуырда Атырау қосалқы бөлімінде облыстық төтенше жағдайлар департаменті мамандарының қатысуымен техникалық-методикалық сабақ өтті. Шараны азаматтық қорғаныс және төтенше жағдайлар бөлімі ұйымдастырып, оған станция, вагон, локомотив деполары, бөлімге қарасты барлық құрылымдар өкілдері қатысты.  

Методикалық сабақтың теориялық бөлімінде облыстық ТЖД Азаматтық қорғаныс басқармасының аға офицері Ардақ Утенов «Азаматтық қорғаныс дегеніміз не?» деген тақырыпта слайд арқылы көрнекі түрде дәріс оқыды. Яғни, табиғи және техногендік сипаттағы төтенше жағлайлар, жер сілкінісі, өрт қауіпсіздігі, газдан улану, суға кеткен адамды құтқару, қандай да бір апатқа ұшыраған адамға алғашқы медициналық көмек көрсету қағидаларын түсіндірді. Қатысушыларға ситуациялық сұрақтар қою арқылы лекцияны жандандырып, тыңдаушының қызығушылығын тудыра білді. «Мәселен, Алматыдағы жер сілкініс кезінде 48 адам жарақат алған. Оларға залал жер сілкінісінен келген жоқ,  негізінен баспалдақпен түсу кезінде, 2 не 3-ші қабаттан секіру, бірін-бірін қағып кету, басып кету сынды жағдайларда жарақат алған. Ал ондай кезде адам өзін дұрыс ұстап, сауатты қимылдап, басқаларға зиянын тигізбеу т.б. қағидаттарды білуі шарт» дейді мамандар.

Практикалық бөлімінде ТЖД Жедел құтқару жасағының бас құтқарушысы Берікқали Айдаров, Апаттар медицина орталығының дәрігері Айгүл Мырсейтова өздері және теміржолшыларды қатыстыру арқылы алғашқы медициналық көмек көрсету қағидасын, сондай-ақ түтінге не газға уланғанда, өрт шыққанда, суға кеткенде, суға тұншыққанда, т.б. төтенше жағдайларда қандай іс-әрекет жасау керектігін көрсетті. Себебі көбінесе адамдар алғашқы медициналық көмек көрсету жөніндегі білімінің жоқтығынан жанындағы адамдарға, көмек  көрсете алмай жатады. Мамандар сондай-ақ көлік апаты кезінде, аяғы не қолы сынған сәтте қандай әрекет жасау, вена мен артерия қан тамырларының айырмашылығы, қанды қалай тоқтату, көз қарашығының жарық сезгіштігін, тамыр соғысын қалай байқау, т.б. көптеген әдіс-тәсілдерді іс жүзінде көрсетті.  

-Мұндай әдістемелік сабақты биыл бірінші рет ұйымдастырып отырмыз. Жалпы, төтенше жағдайлар кезінде апаттың алдын алу не аман қалу адамдардың әрекет етуіне, яғни құтқару біліктілігіне байланысты екені рас. Сондықтан осындай методикалық сабақ өткізген облыстық ТЖД мамандарына үлкен ризашылығымды білдіреміз, - дейді Атырау қосалқы бөлімінің азаматтық қорғаныс және төтенше жағдайлар жөніндегі инженері Нұрлан Сұлтанғалиев.

 

Спорт
23.05.2024
Сұрмерген cтанция бастығы
Жаңалықтар
22.05.2024
Қазақстанның логистикалық мүмкіндіктері Қытайда өткен көрмеде таныстырылды
Жаңалықтар
22.05.2024
Ақтау мен Құрық порттарында ірі теңіз көліктік-логистикалық кластері құрылады
Жаңалықтар
22.05.2024
Жолаушылар пойызындағы багажды тасымалдау ережесі
Жаңалықтар
22.05.2024
«Қамқор Локомотив» ТЭМ2У тепловозын модернизациядан өткізді
Жаңалықтар
22.05.2024
Өзбекстанның 18 азаматы «Самара-Ташкент» пойызынан түсірілді
Әлемде
22.05.2024
Германия монорельсті жолаушылар кабиналарын әзірлеп жатыр
Жаңалықтар
21.05.2024
Алматыда айналма темір жолдың құрылысы қарқынды жүріп жатыр (Фото)
Темір жол тарихы
21.05.2024
Мұрағат – өткен өмір айнасы
Әлеумет
21.05.2024
Өмірінің 44 жылын теміржолға арнаған жан
Қауіпсіздік
21.05.2024
Конференцияда автотежегіш жүйесі жан-жақты қаралды
Жаңалықтар
21.05.2024
Балтық елдерінде ТХКБ бойынша жүк тасымалын арттыру мәселелері талқыланды
Қауіпсіздік
21.05.2024
Таразда еңбек қауіпсіздігіне арналған республикалық семинар өтті
Жаңалықтар / Мұрағат
21.05.2024
«Қазақстан теміржолшысы» газеті, №43 21 мамыр 2024 жыл
Жаңалықтар
20.05.2024
14 бағыт бойынша билеттерді «Саяхатшы» дисконттық картасы арқылы жеңілдікпен сатып алуға болады
Жаңалықтар
20.05.2024
Биыл 140 жаңа вагон жолаушыларға пайдалануға берілмек - Көлік министрлігі
Аймақтар
20.05.2024
Теміржол саласындағы терминдер мемлекеттік тілде «сөйлей» бастады
Спорт
20.05.2024
Иорданияда үстел теннисінен өткен жарыста маңғыстаулық теміржолшы топ жарды
Жаңалықтар
20.05.2024
Қазақстаннан Қытайға темір жол арқылы жүк экспорты 21 ға өсті%
Аймақтар
20.05.2024
Семей орманында оқу-жаттығу өтті