Технология шапшаң дамығанымен білікті машинистке деген сұраныс жоғары

Аймақтар
23.04.2024, 11:23
Суреттерді түсірген автор
Нұрлыбек Досыбай

Түркістан облысы бойынша меншікті тілші

Қазіргі кезде іс жүргізудің оңтайлы әдістері жария болып, озық үлгілі технология шапшаң дамығанымен адам қолымен жүзеге асырылатын еңбектің тәжірибесі қашан да құнды. Түркістандық локомотившілер жұмысымен танысқанда бұған тағы да көз жеткіздік.

Бүгінгі таңда Түркістан локомотив пайдалану депосы балансындағы 18 локомотивтің 15-і жаңадан шыққан отандық «Эволюшн» сериялы ТЭ-33А тепловозы. Ал қалған үшеуі маневрлік қозғалысты ұйымдастыруға жұмылдырылатын ТЭМ-2 локомотивтері. Атап өту керек, вагондарды ары бері тасымалдап, сұрыптау жұмысын атқаратын маневрлік локомотивтер бүгінгі таңда бір ғана тұлғамен басқарылады. Бұл дегеніміз, алып техниканы ешқандай көмекшісіз машинистің бір өзі жеке-дара жүргізеді деген сөз. Жаңартып-жаңғырту нәтижесінде тетіктері жетілдірілген маневрлік локомотивтер ескі болса да жарамды.  

– Жауапкершілігі зор маневр жұмысына тәжірибелі машинистер ғана қабылданады. Кемі 10 жылдық еңбек өтілі болуы керек. Себебі жалғыз өзі жылжымалы құрамның қауіпсіз қозғалысына жауапты болудың жүгі жеңіл емес. Олардың көпшілігі екінші класты машинистер. Ол пойыз құрастырушымен өзара түсінісіп, бір ырғақта жұмыс істейді. Жылжымалы құрамдардың арақашықтығы мен тұрған жерін, бәрі-бәрін алақандағыдай көріп, вагон сұрыптау ісін асықша иіру маневрлік машинистің тәжірибесі мен шеберлігіне тікелей байланысты, сондықтан олардың еңбек қауіпсіздігін қатаң сақтауына мұқият назар аударып, уақытылы тынығуы да жіті бақылауда болады, – дейді депо директорының өндіріс бойынша орынбасары Ерғазы Кенжебеков.  

Жалпы, Түркістан локомотив пайдалану депосы Арыс пен Қызылорда аралығындағы жүк және жолаушылар тасымалын жүзеге асырады. Әрине, осы аралықта жүрдек жолаушылар пойызының қатынауын да қамтамасыз етеді. Ол үшін кәсіпорында арнайы локомотив бригадалары бар. Жалпы, жолаушылар тасымалдайтын бригаданың өзі екіге бөлінеді. Жоғары жылдамдықтағы тальго пойызының локомотив бригадаларына талап та жоғары. Бұл жерде олардың еңбек өтілі мен біліктілік тәжірибесі маңызға ие. Сонымен қатар жылдамдығы төмен санатқа жататын жүк және жолаушылар пойызының машинистеріне қойылатын талап та төмен емес.  

– Бүгінгі таңда Түркістан локомотив пайдалану депосында 144 машинист пен машинист көмекшілері еңбек етеді. Оның 18-і бірінші класты, 54-і екінші класты машинистер. Ал қалған 70 машинист пен көмекшілері үшінші класс санатына жатады. Қазіргі кезде біздің машинистердің орташа жасы 50-де. Олар кезең-кезеңімен әрбір екі жыл сайын Астана іргесіндегі Оқу орталығында біліктіліктерін жетілдіріп тұрады. Сонымен қатар техникалық кабинетте күн сайын сағат 10:30 және 15:30-да локомотив бригадаларына техникалық дәріс өткізу дағдыға айналған. Қажет болған кезде жоспардан тыс оқу-әдістемелік дәрістер ұйымдастырылып тұрады. Қысқасы, жүк және жолаушы тасымалындағы негізгі тұлға саналатын машинистерге талап жоғары. Бізге білікті машинист керек, – дейді Ерғазы Кенжебеков.  

Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста
Жүк тасымалы / Апта саны
31.03.2025
Теміржолмен жүк тасымалдау екі айда 6,6%-ға өсті
Әлеумет
31.03.2025
Жұмысшы мамандарға сұраныс бар
Аймақтар
31.03.2025
Еңбек адамына құрмет
Әлемде
30.03.2025
«Молдова темір жолын» екі компанияға бөлу ұсынылды