Экология айлығы аясында сенбілік өтті
"Қазақстан теміржолшысы" газетінің Жамбыл облысындағы меншікті тілшісі
«ҚТЖ» ҰК» АҚ «Жамбыл магистральдық желі бөлімшесі» филиалына қарасты мекемелер – жол, электрмен жабдықтау, белгі беру және байланыс дистанциялары мен қалпына келтіру пойызының ұжымы сенбілік өткізді.
Экология айлығы аясында жұдырықтай жұмылған теміржолшылар мекеме аумақтарын тазартып, тал-дарақтардың түбін, жол жиектеріндегі бордюрларды ақтап, жаңадан көшеттер отырғызды. Жамбыл магистральдық желі бөлімшесіндегі жауапты мамандардың айтуынша, тазалық жұмыстары кезінде шамамен 5-6 жүк самосвал қоқыс шығарылып, 60-қа жуық тал егілген.
Жамбыл бөлімшесі алдағы уақытта да Қазақстан Республикасы Үкіметі бекіткен «Таза Қазақстан» экологиялық мәдениетін дамытудың 2024-2029 жылдарға арналған тұжырымдамасын іске асыру аясындағы «Азайт, қайта пайдалан, қайта өңде» экологиялық акциясына үн қосып, қоршаған ортаны қорғауға бағытталған жұмыстарды жалғастырмақшы.
Өткен аптада Жамбыл өңірінде көктемгі абаттандыру жұмыстарының бірінші айлығы аяқталды.
