Ақтөбе рельс-арқалық зауыты «Үздік өнеркәсіптік тауар» иегері атанды
Ақтөбе облысы бойынша меншікті тілші
«Ақтөбе рельс-арқалық зауыты» ЖШС қазақстандық тауарлар байқауында «Өндірістік мақсаттағы үздік тауарлар» номинациясына ие болды.
Зауыт мамандары «Ақтөбе рельс-арқалық зауыты» ЖШС өңірдің өнеркәсіптік әлеуетін биік деңгейде көрсете алғанын атап өтті. Отандық өндірістің дамуына үлес қосып отырған серіктестік шетелдік компаниялармен тығыз байланыс орнатқан.
Жақында Қазақстандағы Германия елшісінің орынбасары Ульрих Киннемен кездесу өтіп, оған неміс бизнесі өкілдерінің делегациясы да қатысқан болатын. Қонақтарға өндірістік цехтарда экскурсия ұйымдастырылды. Шетелдік мамандар зауыттың заманауи қуаттылығы, технологиялық процестер және шығарылатын өнімдерімен танысты.
Делегация «АРБЗ» ЖШС өндірістік базасының жоғары деңгейін және халықаралық әріптестікті кеңейтуге қызығушылық танытты.