Мыңнан астам қызметкер формалық киіммен қамтылды
«Қазақстан теміржолшысы» газетінің тілшісі
Тасымалдау процесі дирекциясында қызметкерлерге қолайлы еңбек жағдайын жасау бағытындағы жұмыстар жалғасуда.
Батыс, Оңтүстік және Солтүстік өңірлердегі пойыздар қозғалысын басқару өңірлік орталықтары – РЦУП1, РЦУП-2 және РЦУП-3, сондай-ақ Тасымалдарды басқарудың автоматтандырылған орталығы (АЦУП) формалық киім жиынтықтарымен қамтамасыз етілді.
Белгіленген талаптарға сай ерлер мен әйелдерге арналған формалық киімдерді 1 000-нан астам қызметкер алды. Қызметкерлерді формалық киіммен қамтамасыз ету – бұл тек бірыңғай корпоративтік стильді қалыптастыру ғана емес, сонымен қатар еңбек жағдайының қолайлылығы мен ұжымның кәсіби имиджін айқындайтын маңызды фактор. Сондықтан ұлттық компания әр қызметкердің өз міндеттерін сапалы әрі жайлы орындауы үшін қажетті барлық жағдайды жасауға мүдделілік танытып отыр.