Қаңтардағы көрсеткіш қандай?

Аймақтар
27.02.2019, 15:44

Жамбыл өңіріне қарасты Тараз, Шу және Сарышаған станцияларында кеңейтілген тораптық кеңестер өтіп, онда негізінен қаңтар айындағы пойыздардың қозғалыс қауіпсіздігінің сақталуы, «Машинистердің ескертпе кітабы» бойынша талдау жүргізу, пайдалану көрсеткіштерінің орындалуы сынды мәселелер қаралды. 

Сарышаған станциясында өткен телімдік кеңеске аталған станцияға жақын станция басшылары мен темір жолдың өзге де құрылымдық мекеме басшылары қатысып, оған Жамбыл жүк тасымалы бөлімшесі директоры Берік Ақшалов төрағалық етті. Мұндағы кеңейтілген жиында пойыздар қозғалысы қауіпсіздігінің жай-күйі мен машинистердің ескертпелері күн тәртібіне қойылды.

Жалпы бұл учаске бойынша машишистердің ескертпелері артып кеткенімен, жекелеген мекемелерге қатысты біраз ескертпелер былтырғыдан төмен. Дегенмен талдау жұмыстарының қорытындысын тыңдаған Б.Ақшалов қауіпсіздікті қадағалау жұмыстарын бір сәтке де босаңсытуға болмайтынын айтып өтті.

Сондай-ақ, жиында Жамбыл магистральдық желісі бөлімшесінің директоры А.Кукузов бөлімше шаруашылықтарындағы қауіпсіздік жұмыстарының талдамаларынан хабардар етті. Оның айтуынша, қаңтар айында бір оқиға болған, Тараз-Шу учаскесінің Ақшолақ-Ақыртөбе бағытында пойыздың жаяу жүргінші соғу оқиғасы орын алып, абырой болғанда адам аман, ауыр жарақат алмаған.

Жалпы алғанда Жамбыл магистральдық желісі бөлімшесі бойынша жолдардың орташа бағалануы 57 балды көрсетіп отыр. Ол қаңтар айына 43 балл төңірегінде болады деп жоспарланған екен. Яғни меже 125 пайызға артығымен орындалған.

Теміржолшылар кәсіподақ ұйымы Жамбыл филиалының төрағасы Жұман Сәменов те жұмысшылардың еңбек қауіпсіздігі мен әлеуметтік қамсыздандыру мәселесі бойынша бөлімше басшыларымен жұмыс жүргізіліп жатқанын, әсіресе спортты дамытуға көп көңіл бөлінгенін атап өтті.

– 2019 жыл «Жастар жылы» болып жарияланғанын білесіздер. Соған байланысты жастардың тәлім-тәрбиесіне басымдық беріп, оларды оқыту, біліктіліктерін арттыру ісіне барынша көңіл бөлінуде. Бұл бойынша арнайы іс-шаралар жоспары жасалып, басым бағыттары белгіленді, – деді кәсіподақ төрағасы.

Ал Таразда өткен, Жамбыл локомотив пайдалану депосы қызметкерлері мен Тараз станциясына іргелес жатқан станция басшылығы өкілдері қатысқан кеңеске Жамбыл жүк тасымалы бөлімшесі директорының бірінші орынбасары Үмітбек Рысбеков төрағалық етті.

Жиында алдымен машинистердің ескертпе кітабының қаңтар айындағы жазбалары талданды. Депо бойынша бұл айда 24 ескертпе түскен екен, ол өткен жылғы есепті кезеңмен салыстырғанда 9 ескертпеге азайған. ПЧ-51-ге де қатысты ескертпелер 8-ге жетіп, өткен жылғыдан алтауға төмендеген. Түлкібас станциясы ПЧ-52-ге биылғы қаңтарда 5 ескертпе түссе, былтыр осы айда алтау болған екен. Мұнда да төмендеу байқалады. Тараз станциясында да былтырға қарағанда биыл жұмыс жүйеленген. Айталық, былтырғы қаңтарда 4 ескертпе тіркелсе, биыл бір ғана жағдаймен шектелген. Ал ШЧ-36 мен ЭЧ-21 жұмысына ешқандай ескертпе болмаған.

Аталған ескертпелер тиісті орындарға жолданып, шаралары дер кезінде қолға алынғаны белгілі болды. Машинистер түртіп алған ескертпелерді мұқият тыңдаған Ү.Рысбеков темір жол жұмысындағы келеңсіздіктердің азайғанын айтып өтіп, дегенмен жол бойында ауа жайылған малдың мәселесін шешу, құқыққорғау органдарымен бірлесе жұмыс жүргізуге көңіл бөлді.

Сондай-ақ, жиында 2019 жылдың қаңтар айындағы кейбір пайдалану көрсеткіштерінің орындалмауы бойынша да түсінік беріліп, тиісті мекемелерге кемшілікті жою жөнінде тапсырма жүктелді.

Кеңес төрағасы көктемнің келуімен еріген қар мен жауыннан кейін жиналған көлшік сулардың жол қозғалысына кедергі келтіретінін, сондықтан жылдағыдай кез келген қауіпке дайын болу үшін және ондай жағдайларды болдырмау үшін тиісті шараларды қолға алып, локомотив бригадаларының жұмысын ширата түсуді қатаң тапсырды.

Жамбыл магистральдық желі бөлімшесінің бас инженері Жұмағали Ұрсаров өз сөзінде сын-ескертпелер бойынша тиісті шешімдер шығарылып, қажетті шаралар қабылданып жатқанын жеткізді. ШЧ, ПЧ, ЭЧ басшыларымен бірлесе техника құралдарының ескертулері мен істен шығуын азайту мақсатында жұмыс жүргізілгенін және жол бойына су жиналу қаупінің алдын алу, алдағы уақытта жекелеген учаскелерде жүргізілетін жөндеу жұмыстарына қатысты технологиялық толаскез жөнінде де ақпар берді.

Шу локомотив пайдалану депосында өткен кеңейтілген кеңесті Жамбыл жүк тасымалы бөлімшесі директорының Шу өңірі бойынша орынбасары Дүйсен Сыдықов ашып, күн тәртібіне тоқталды. Мұнда да машинистердің ескертпе журналына түскен жол бойындағы жағдайлар кеңінен талқыланды. Талдаулардан кейін басшылық тиісті мамандарға рельс бойындағы шөптерді жою, пойыз жолында малдың емін-еркін жайылып жүрмеуіне жол бермеу, пайдалану көрсеткіштерін арттыру, жол қауіпсіздігі мен еңбек қауіпсіздігін барынша сақтау, т.т. бойынша тапсырмалар берілді.

Ал Жамбыл магистральдық желі бөлімшесі директорының орынбасары М.Абдуллаев биылғы қаңтар айында бөлімше шаруашылықтарында ешқандай апаттар мен оқыс жағдайлардың болмағанын жеткізді.

Кеңейтілген кеңестер соңында барлық станция басшылары мен Жүк тасымалы және Магистральдық желі бөлімшелерінің тиісті басшылық өкілдеріне әдеттегідей жол қауіпсіздігін, технологиялық процестердің ақаусыз және тоқтаусыз жұмыс істеуін, жұмысшылардың қолайлы еңбек жағдайын қамтамасыз ету және темір жол бойына жақын маңдағы оқу орындары басшыларымен жолдан өту қауіпсіздігін түсіндіру жұмыстарын күшейту бойынша тапсырмалар жүктелді.

Жасұлан СЕЙІЛХАНОВ, Тараз 

Суретті түсірген автор 


Жүк тасымалы / Апта саны
13.05.2025
ҚТЖ желісінде жүк тасымалы 4,5%-ға артты
Сұхбат
13.05.2025
Қанат ӘЛМАҒАМБЕТОВ: «Шиеленісті жағдайды уақытылы шешуге мүдделіміз»
Аймақтар
13.05.2025
Ғибратты ғұмыр
Аймақтар
13.05.2025
Жүз жасаған кейуана
Станция тынысы
13.05.2025
Болашақ станциясы өсім жолында: жаңа дәреже – жаңа міндеттер
Аймақтар
13.05.2025
Теміржолшылар Жеңіс күні бірлік пен рухты паш етті
Жаңалықтар / Мұрағат
13.05.2025
Қазақстан теміржолшысы газеті, №36 13 мамыр 2025 жыл
Жүк тасымалы
12.05.2025
Қытайдан Орталық Азия елдеріне контейнерлік тасымал 104%-ға өсті
Жаңалықтар
12.05.2025
Қазақстан бидайы алғаш рет БАӘ нарығына шықты
Жаңалықтар
12.05.2025
Алты ел еуразиялық дәлізді қалыптастыру барысын талқылады
Спорт
12.05.2025
Бес вагон сүйреп рекорд орнатты
Аймақтар
12.05.2025
Шымкент вокзалы маңындағы алып сағат қайта іске қосылды
Жүк тасымалы
12.05.2025
Қазақстан, Өзбекстан және Тәжікстан теміржолшылары жүк тасымалдау көлемін ұлғайтуды талқылады
Әлемде
12.05.2025
Қырғызстанда Қытай – Қырғызстан – Өзбекстан бағыты бойынша алғашқы тоннельдің құрылысы басталды
Әлемде
12.05.2025
CAF компаниясы жаңа Oxygène электр пойызын таныстырды
Жаңалықтар
10.05.2025
Павлодарлық теміржолшылар ардагерді Жеңіс күнімен құттықтады
Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы