Маңғыстауда өткізілген екі айлық шараның нәтижесі

 Маңғыстауда өткізілген екі айлық шараның нәтижесінде бірқатар құрылымдық бөлімшелер бойынша маңызды міндеттер жүктейтін шешімдер қабылданды. Аталған екі айлық «Жұмысшылардың білім деңгейін арттыру – қозғалыс ревизорларының негізгі қызметі» және «Абайла, маневр!» деп аталған еді.

Бұл міндеттер айлық шаралар аясында анықталған кемшіліктерге қарай және жұмыс процесін одан әрі жетілдіру мақсатында жүктеліп отыр.

Атап айтар болсақ, пойыз қозғалысымен байланысты барлық құрылымдық бөлімшелер басшыларына профилактикалық бағытына қарай пойыздық немесе маневрлік қозғалыстар кезінде қызметтік сөйлесу мазмұны толық тыңдау регистраторының актілері көшірмесімен қамтамасыз ету тапсырылды.

Сонымен қатар басшылық деңгейде қызметтік сөйлесулердің толық мәтіндегі регистраторын тыңдағанда пойыздық және маневрлік мынадай операцияларға ерекше мән беру керектігі айтылды: яғни, пойызды станцияда қабылдап алу сәті, пойыз құрамын бекіту кезі, локомотивті пойыздан ажыратып алу тұсы, пойыздық локомотивтің пойыз құрамынан депоға дейінгі маневрлік қозғалысы, пойыз локомотивінің құрамға тіркелуі, тежегіш табандарды жинау, пойызды станциядан жөнелту сәті, міне, осы операцияларды тиісті сала қызметкерлері қалай жүзеге асырғанын қызметтік сөйлесу регистраторында жазылып қалған сөйлесулер арқылы бақылау керек.

Бұған қоса басшылар қозғалыс қауіпсіздігін қамтамасыз етудегі негізгі мәселелерді шешу бойынша жұмыстарда басым бағыттағы істердің орындалуын қамтамасыз етуі қажет.

Мәселен, қозғалыс шаруашылығы бойынша соқтығысулар мен жылжымалы құрамның жолдан шығып кетуінің алдын алу, бағыттама бұрмаларының кесіктері, станцияда құрамдарды сенімді бекітуді қамтамасыз ету, қауіпті жүктер тасымалы мен маневрлік жұмыстар кезінде қауіпсіздік шараларын сақтау, темір жол көлігіндегі негізгі мамандықтар жұмысшыларын кәсіби іріктеу үшін техникалық құралдар енгізу, оларды дайындауда жүйені жетілдіру, біліктілікті арттыру, қызметтік сөйлесулер тәртібін сақтау сынды бағыттарға басымдық берілуі тиіс.

Локомотив шаруашылығы бойынша тыйым салынатын сигналдар бар жерден өтуді тоқтату, маневр кезінде жылжымалы құрамның соқтығысуы мен жолдан шығып кетуінің алдын алу, пойыз жүргізуге және тежегіштерді басқаруға бақылауды жетілдіру сынды талаптар бар.

Сол сияқты вагон шаруашылығында құрамға сапалы техникалық қызмет көрсету, тежегіш магистралінің шеткі крандары бар пойыздарды жөнелтуді тоқтату, автотежегіштердің қыста және жаздағы сенімді жұмысын арттыру, автотізбекті, бүйір жақ пен жүретін бөлікті бақылау, вагон паркінің сақталуы сынды міндеттер бар.