Қарағанды локомотив жөндеу депосына биыл 87 жыл
«Қазақстан темір жолы» ұлттық компаниясының серіктесі Қарағанды локомотив жөндеу депосына биыл 87 жыл. Ғасырға жуық тарихы бар мекеме биылғы жылдың алғашқы алты айында ауқымды жұмыстар атқарып, жемісті қорытындылады.
Кәсіби мереке қарсаңында депода әкімшілік ғимараты мен өндірістік цехтарын ағымдық жөндеу жұмыстары аяқталып, соның нәтижесінде еңбеккерлердің жұмыс орындары, техника қауіпсіздігі және еңбек қорғау жағдайлары жақсарды.
Сонымен бірге жеке цехтарда ЛИН және «5S» үнемді өндіріс құралдары енгізілді.
Ағымдағы жылдың бірінші жартыжылдық қорытындысы бойынша Қарағанды локомотив жөндеу депосы ВЛ80 сериялы 173 электровозға, ЧМЭ сериялы 83 тепловозға, 405 электропоезд вагондарына, сондай-ақ, жекеменшіктегі ТЭМ7А сериялы тепловоздарға ТҚК-6 және ТҚК-7 көлемінде жөндеу жұмыстарын жүргізді.
Бүгінгі таңда депо басшылығы ЧМЭ сериялы тепловоздар үшін ТҚК-7 және ТҚК-8 техникалық қызмет көрсету түрлері бойынша жөндеу жұмыстарын жүргізу аймағын кеңейту мәселесін қарастыру үстінде. Депо ұжымы Ұлттық компания локомотивтеріне сапалы қызмет көрсету арқылы сенімді серіктес болуды көздеп отыр.