Атырау жүк тасымалы бөлімшесі жүк тиеуді алдағы уақытта 10,5% арттыруды көздеп отыр

Аймақтар
13.08.2021, 11:39
Қосұйым Мұқашев

Атырау облысы бойынша меншікті тілші

Қазақстанның көлік әлеуетін дамытуда стратегиялық маңызға ие, аумағы да, ауқымы да кең, соған орай жұмыс көлемі де үлкен әрі күрделі Атырау жүк тасымалы бөлімшесі бірінші жартыжылдықты жақсы жетістіктермен қорытындылады. Бөлімше басшылығы екінші жарты жылға да ауқымды жұмыстар жоспарлап отыр. Еліміздегі ең үлкен мұнай компаниялары шоғырланған өңірде бөлімшенің жүк көлемінің 70-80 пайызын мұнай және мұнай өнімдері құрайды. Бөлімше бойынша 50-ден астам ірілі-ұсақты станциялар мен құрылымдық бөлімшелерде 6 мыңнан астам адам еңбек етеді. – Жарты жылда жүк айналымы жүз пайыздан жоғары болды. Алты айда ол жоспардағы 4828- ден асып, 5069,5 млнткмнеттоны құрады, яғни 105 пайызға орындалды. Жүк тиеу көрсеткіші де 100%-ға орындалып, өткен жылмен салыстырғанда 43,5 мың тоннаға артық болды. Қысқасы, негізгі тасымал қызметі бойынша кіріс 17 млрд 945 млн 348 мың теңгені құрады. Бөлімше өңірдегі тасымал сұранысын толықтай қамтамасыз етіп отыр. Айта кетерлігі, бүгінгі күні станцияларда пойыздарды өткізу қабілеті орташа есеппен алғанда тәулігіне 19-дан 28 жұп пойызға дейін өсіп отыр, – деп ақпар берді бөлімше басшысының бірінші орынбасары Самат Құлмаханов. Айтуынша, тасымал тасқынын жақсарту үшін соңғы жылдары аймақта бес разъезд ашылып, Мақат станциясындағы сұрыптау дөңесі реконструкцияланған. Ақжайық және Теңдік станцияларының қуатын арттыру бағытында да біраз жұмыстар атқарылыпты. Қайта жаңғырудан өткен Теңдік станциясы үлкен әлеуетке ие. Атырау мұнай өңдеу зауытымен қоян-қолтық жұмыс істейтін станцияның қуатын арттыруды да компания басшылығы бастама етіп көтерген болатын, нәтижесінде оң шешімін тапқан. Станцияларда бұрмалар түгел автоматтандырылып, нәтижесінде вагондарды қабылдау-жөнелту тездетіліп, жұмыс та жеңілдей түскен. Оның үстіне жол жөндеу жұмыстары нәтижесінде өңірдегі жолдардың 60 пайызы темір-бетонға жаңартылған. Өткен жеті айда бөлімшеде қозғалыс және еңбек қауіпсіздігін бұзу оқиғалары немесе өндірістік жарақат алу тіркелмеген. Экономикалық көрсеткіштердің өсуі еңбекақы өсіміне ықпал ете ме, өңір теміржолшыларының орташа жалақысы қандай деген сауалымызға орай білгеніміз, бүгінде жұмысшының орташа айлық еңбекақысы жоспардағы 222664 теңге орнына 248 199 теңгені құрап, өсім – 25535 теңге болған.

– Әрине, экономикалық өсім бар жерде пайда бар деген сөз. Бөлімше бойынша айтсақ, негізгі қызметтер бойынша табыс бюджетін орындау 106% деңгейіне жетіп, 25 млрд 175 млн 626 мың теңгені құрады. Тасымалдан түскен табыспен қоса локомотив тартудан 5 млрд 928 млн 844 мың, қосалқы-көмек қызметінен 230 млн 292 мың теңге табыс түскен. Жалпы бөлімше бойынша еңбек өнімділігі 108 пайызға орындалып, нақты 2179 ткмнетто/адамды құрады. Биылғы 1 қаңтардан бастап компания бойынша бүкіл теміржолшылардың еңбекақысы 10 пайызға өскені белгілі, елдегі қымбатшылық жағдайға, азық-түлік, тұтыну тауарлары мен қызмет бағасының өсуіне орай 1 шілдеден бастап басшылық орташа жалақыны тағы да 10 пайызға өсірді. Яғни теміржолшылардың әлауқат деңгейінің жақсаруына жағдай жасалуда, – дейді Самат Бисенғалиұлы.

Өңірдің барлық елді мекендері ауыз су және табиғи газбен 100 пайыз дерлік қамтамасыз етілген. Көмір жағатын мекеме жоқ деуге болады. Рас, Жантерек, Мұқыр станцияларына су арнайы көлікпен жеткізіледі. Бірақ жергілікті атқарушы орган тарапынан жұмыстар жүргізіліп, су құбыры бұл өңірлерге де тартылыпты. Демек, алдағы уақытта су тасу шығыны азаяды деген үміт бар. Ұжымдық шартқа сай жұмысшылардың арнаулы киімдермен қамтамасыз етілуі де назарда. Қазіргі пандемия жағдайының күшеюіне байланысты жұмысшылар антисептик, маска, бір реттік қолғаптармен де толықтай қамтамасыз етілген. Сондай-ақ, жұмысшылардың еңбек жағдайын жақсарту мақсатында 22 млн 006 мың теңгеге кондиционер, қысқа толқынды пеш, диспенсер, мұздатқыш сынды тауарлар сатып алыныпты. Бөлімше үшін екінші жартыжылдықтағы басты мақсат – ең алдымен тасымал тасқынын тоқтатпау. Жүк тиеу көлемін өткен жылмен салыстырғанда 10,5%-ға арттыруды көздеп отыр. Яғни, өткен жарты жылда жүк тиеу 5 млн 319,1 мың тонна болса, енді соны екінші жартыжылдықта 5 млн 325 мың тоннаға жеткізуді көздейді.

– Оған алғышарттар да жоқ емес. Атырау мұнай өңдеу зауытымен қоян-қолтық жұмыс жасайтын Теңдік станциясы арқылы «Ба- тысТрансГрупп» ЖШС-мен тәулігіне 12,865 тонна мұнай өнімдері тиеледі, сол секілді Қарабатан станциясы арқылы ай сайын 60 вагоннан 27-ден 32-ге дейін маршрут жүреді, ал Құлсары станциясынан «Теңізшевройл» ЖШС-мен тәулігіне орташа есеппен 12 мың 920 тонна мұнай өнімдері тасымалданады деп болжануда. Бұл – біз үшін тиімді болжамдар, – дейді Самат Құлмаханов.
Жаңалықтар
19.04.2025
«Алматы – Ташкент» пойызының жолсерігі баланы құтқарып қалды
Инфрақұрылым
18.04.2025
Достық-Мойынты учаскесінде 90 көпір орнатылды
Әлеумет
18.04.2025
Балалар арасында сурет салу байқауы басталды
Аймақтар
18.04.2025
Мамандық таңдау – маңызды іс
Аймақтар
18.04.2025
Қарт түбектің қақпасы қайта түлемек
Жүк тасымалы
18.04.2025
Қазақстан баламалы маршруттарды белсенді дамытуда
Жаңалықтар / Мұрағат
18.04.2025
Қазақстан теміржолшысы газеті, №29 18 сәуір 2025 жыл
Жаңалықтар
17.04.2025
ҚТЖ теміржол вокзалдарын ауқымды қайта құруға кірісті
Жаңалықтар
17.04.2025
ҚТЖ-да көктемгі комиссиялық тексеру басталды
Аймақтар
17.04.2025
Жамбыл облысында бес вокзал күрделі жөндеуден өтеді
Жүк тасымалы
17.04.2025
Кері байланыс қызмет көрсету сапасын арттырады
Аймақтар
17.04.2025
«Жолшы кәсібімен мақтан» республикалық семинары өтті
Инфрақұрылым
17.04.2025
Еліміздің алты өңірінде темір жолды жөндеу жүргізілуде
Қауіпсіздік
16.04.2025
Қызылорда өрт сөндіру пойызы кәсіби дайындықтарын шыңдады
Аймақтар
16.04.2025
Жолаушы қызметінде – қырық жыл
Жаңалықтар
16.04.2025
ҚТЖ-да танымал ақындардың шығармашылық кеші өтті
Жаңалықтар
16.04.2025
ҚТЖ Бизнес трансформация орталығы озық технологияларды енгізуде
Жаңалықтар
16.04.2025
Темір жолдарда су басу қаупі жоқ
ҚТЖ келбеті
15.04.2025
ЦЖС аруы Қызылордада тұрады
Спорт
15.04.2025
Теміржолшылар қалалық спартакиадада топ жарды