«Саламатты Қазақстан» пойызы СҚО-ға келді

Әлеумет
14.09.2022, 09:39

Солтүстік Қазақстан облысында «Саламатты Қазақстан» медициналық пойызы жұмыс істеп жатыр. 10 маусымнан бері дәрігерлер 17 мыңнан астам тұрғынды тексерді. Ал 3 мыңнан астам адамға алғашқы медициналық және консультативтік көмек көрсетілді, деп хабарлайды Rail-news.kz ҚазАқпаратқа сілтеме жасап.

«Саламатты Қазақстан» медициналық пойызы СҚО-да тоқтаған соңғы станция – Дәуіт елді мекені. Қазақстанның шалғай ауылдарының тұрғындарын қамтуды мақсат еткен «дөңгелекті емханада» еліміздің жеке клиникаларында еңбек ететін жоғары білікті дәрігерлерге көрінуге болады. Пойызда барлық қажетті жабдықтар, сондай-ақ өзінің зертханасы бар, барлығы 7 вагон болса, соның төртеуінде дәрігерлер жұмыс істейді. Терапевт, акушер-гинеколог, педиатр, кардиолог, невропатолог, окулист, ЛОР, гинеколог, хирург, уролог, маммолог, стоматолог сияқты мамандар қабылдау жүргізеді.

Дәуіт станциясының тұрғындары бұл мүмкіндікті пайдаланып қалды.

«Таңертең анализдерді тапсырдым, терапевт, УДЗ маманы, окулисте болдым. Дәрігерлер денсаулығымда кінәрат жоқ деді. Медициналық пойызды біздікіндей шалғай елді мекендерге жібергеніне көп рахмет. Бұл уақыт пен ақшаны үнемдейді. Сондықтан жобаны ұйымдастырушыларға және пойыздың барлық медициналық қызметкерлеріне шын жүректен алғыс айтамын», - дейді жергілікті тұрғын Әзімбай Мырқасов.

СҚО-да медициналық пойызға 6 станцияның тұрғындары тексерілді. Алғашқы медициналық және консультативтік көмекті 3 108 адам алды, олардың 402 - сі бала. Жалпы, дәрігерге 17 337 тұрғын қаралған.

Дәрігерлердің айтуынша, СҚО тұрғындарында көбінесе ұйқы безінің ірің кернеген ісігі, периапикальды тіндердің аурулары, бүйрек және несеп тастары, созылмалы обструктивті пиелонефрит, тұзды диатез аурулары анықталады. Ал мамандардың ішінде хирургке, лорға, офтальмологқа және стоматологқа сұраныс жоғары.

Медицина мамандары тексеру барысында сирек кездесетін ауруларды да анықтаған. Мәселен станциялардың бірінде жас қызға эхинококк диагнозы қойылды.

«Эхинококк – таспа құрттың бір түрі, бауырға, өкпеге және сүйектерге әсер ететін личинкалар киста сияқты болады. Науқаста ешқандай белгілер болған жоқ. Ол жай ғана тексеруден өтті, ультрадыбыстық зерттеу кезінде біз онкологияға күдіктендік, КТ-ға жолдама бердік, ол ештеңе анықтамады. Осыдан кейін олар оны МРТ-ға жіберді, ол эхинококты көрсетті. Сондай - ақ, ол жергілікті емханада есепке тұрып, Облыстық ауруханада ота жасау үшін порталда тіркелді», - дейді «Саламатты Қазақстан» медициналық пойызының жетекшісі Аман Қасенов.

Акушер-гинеколог Гүлмира Бердәлі 2 айдан астам уақыт бойы медициналық пойызда қабылдау жүргізіп келеді.

«Өкінішке орай, ауылдарда тұратын әйелдер жұмысбастылықпен әрі шалғай болғандықтан гинекологқа сирек барады. Маған 15-20 жыл дәрігерге қаралмаған әйелдер келді, ал гинекологиялық тексеру жылына кемінде бір рет жүргізілуі керек. Біз оларды тексереміз, ауруларды анықтаймыз, кейбіріне өзіміз ем жасасақ, енді бірін облыстық клиникаларға қосымша кеңеске жібердік», - дейді дәрігер.

«Медициналық пойыздар» жобасы алғаш рет 2010 жылы іске қосылды. Пандемияға байланысты үзіліс жасауға мәжбүр болды. Жалпы, 10 маусымда жолға шыққан «Денсаулық», «Жәрдем» және «Саламатты Қазақстан» консультативтік-диагностикалық үш пойызы Қазақстанның 1700-ден астам шалғай өңірін аралап, 489 мыңға жуық тұрғынды тексерді.

Жоба «Samruk-Kazyna Trust» әлеуметтік жобаларды дамыту Қорының қаржылық қолдауының және ҚР Денсаулық сақтау министрлігінің қатысуымен «Самұрық-Қазына» АҚ компаниялар тобының атынан «Қазақстан Темір Жолы» ҰК АҚ жанындағы «әлеуметтік жобалар қоры» Корпоративтік қорымен ынтымақтастықтың арқасында мүмкін болды.

«Саламатты Қазақстан» пойызы СҚО-дан шығып, көрші Қостанай облысына барады, онда 9 станцияның тұрғындарын қабылдамақ.

 

Жаңалықтар
03.10.2023
Құтқарушыларға қамқорлықпен
Қауіпсіздік
03.10.2023
Тренинг: Қауіпсіздік және еңбекті қорғау
Жаңалықтар
03.10.2023
Қазақстан, Өзбекстан және Қырғызстан теміржолшылары өз бағыттарын айқындады
Жүк тасымалы
03.10.2023
ҚТЖ-да қазан айына астық пен ұнтақ өнімдерін тасымалдаудың негізгі жоспары келісілді
Жаңалықтар
03.10.2023
Қыркүйек айында ҚТЖ желісіндегі орташа тәуліктік тиеу көлемі 6,7%-ке өсті
Жаңалықтар
03.10.2023
Қазақстан мен Болгария көлік-логистика саласындағы ынтымақтастықты дамытуға ниетті
Аймақтар
03.10.2023
Әнші Қуандық Рахым теміржолшының ұлына ат мінгізді
Әлеумет
03.10.2023
Қарттар күніне орай ардегерлерге азық-түлік себеті таратылды
Станция тынысы
03.10.2023
Шиелі станциясы – өндірістік бекет
Сұхбат
03.10.2023
Орман – ортақ байлығымыз
Аймақтар
03.10.2023
Күзгі комиссия: жаз бойы атқарылған жұмыстардың сапасы басты назарда
Жаңалықтар
03.10.2023
ҚТЖ мемлекеттік тіл саясатын қалай іске асырып жатыр?
Жүк тасымалы
03.10.2023
Көмір тасымалы: Вагондар тапшылығы жоқ
Жаңалықтар / Мұрағат
03.10.2023
«Қазақстан теміржолшысы» газеті, №82 3 қазан 2023 жыл
Әлемде
02.10.2023
Қытай алғашқы транстеңіз жоғары жылдамдықты темір жол желісін іске қосты
Жаңалықтар
02.10.2023
Қытай — Қырғызстан — Өзбекстан темір жолын салу жобасы кейінге қалдырылды
Спорт
02.10.2023
Локомотившілер Кубокты жеңіп алды
Әлеумет
02.10.2023
Қарттар үйіндегі теміржолшы
Жаңалықтар
02.10.2023
Роза Рымбаева: Жолсерік болу арманым еді
Жаңалықтар
02.10.2023
Семейлік теміржолшылар қарттарға алғыс айтты