«Қазкөліккәсіп» ҚБ Шымкент филиалының ұжымы әріптестерін қуанышқа кенелтті

Жаңа жыл мерекесіне орай «Қазкөліккәсіп» ҚБ Шымкент филиалының төрағасы Нағима Салықбаева темір саласында еңбек ететін көпбалалы отбасылар мен мүмкіндігі шектеулі балаларға күтім жасап жүрген жандарды және жартылай отбасында тәрбиеленіп жатқан жасөспірімдерді арнайы құттықтай барып, мерекелік сыйға ұялы телефон табыс етті, деп хабарлайды Rail-news.kz.

Олардың қатарында 22 жыл ТД-16 жолаушылар қозғалысының машинисі болған Владимир Ильичев пен ШЧ-37 мекемесінің электрмеханигі Гүлвира Батырбасиева, ШЧ-38 кәсіпорнының электрмеханигі Бауыржан Есенғараев, Арыс станциясының пойыз құрастырушысы Берік Жүнісов, ЭЧ-24 ұйымында ұзақ жыл еңбек етіп, зейнетке шыққан Гүлжаухар Саменова, ПЧ-54 жол дистанциясының жол шебері Жақсыбек Жолдасбеков, Қазығүрт станциясының вагон операторы Ертай Ізтілеуов, ТЧЭ-33-тің машинист көмекшісі Данияр Анарбаев, Магистральды желі дирекциясының еден жуушысы Құрбанкүл Ибадуллаева және Шымкент станциясының пойыз құрастырушысы Нұрдәулет Тасқұлов сынды азаматтарға ізет, құрмет көрсетілді.

Тағдыр теперішіне ұшыраса да мойымай, ерік-жігері құм болмай табандылық танытып, еліміздің темір жол саласында еңбек етіп келе жатқан жандарды назардан тыс қалдырмау оларды қанаттандыра түседі. Сондықтан да «Қазкөліккәсіп» ҚБ Шымкент филиалының ұжымы өз әріптестеріне ерекше қуанышқа кенелтті.