Медициналық пойыз Қарағанды облысындағы жұмысын аяқтайды

«Саламатты Қазақстан» медициналық пойызы Қарағанды облысының «Разъезд 69 км» станциясында тұрғындарды қабылдайды.

Айта кетейік, бұл облыстағы соңғы станция, одан әрі пойыз Ұлытау облысы бойынша өзінің жұмыс сапарын жалғастырады. Сонымен, ол Теректі (09.08.23 ж., 08-57 келу); Қарсақпай (10.08.23 ж., 01-08); Байқоңыр (11.08.23 ж., 22-57) және Қоскөл (13.08.23 ж., 23-58) станцияларына барады.

Әлеуметтік жоба – «Саламатты Қазақстан» медициналық пойызын «Samruk-Kazyna Trust» әлеуметтік жобаларды дамыту қоры «Samruk-Kazyna» АҚ компаниялар тобының атынан, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның және денсаулық сақтау министрлігінің қатысуымен, «Әлеуметтік жобалар қоры» Корпоративтік қорымен ынтымақтастықта іске асырады. «Саламатты Қазақстан» әлеуметтік жобасының басты ақпараттық серіктесі ҚР Президентінің ТРК болып табылады.

Жобаның соңына дейін (2023 жылғы 6 желтоқсан) пойызбен жүріп өткен жол халықтың жоғары білікті медициналық, медиативтік және әлеуметтік көмекке қол жеткізе алмайтын елдің ең шалғай станциялары бойынша шамамен 18 000 км құрайды.