ҚТЖ – зорлық-зомбылыққа қарсы

Әлеумет
14.12.2023, 11:52
Суретті түсірген автор
Сабырхан Сейілбекұлы

Қызылорда облысы бойынша меншікті тілші

ҚТЖ – зорлық-зомбылыққа қарсы. Қараша айының 25-де басталған «Әйелдерге қатысты зорлық-зомбылықты жою үшін күрестің халықаралық күніне» байланысты теміржол мекемелерінде кәсіподақ ұйымдарының ұйымдастыруымен осы тақырыпта түрлі іс-шара өткізілді.  

Олардың бірінде тақырыпқа қатысты арнайы маманмен кездесу ұйымдастырылса, енді бірінде салалық мекемелерде зорлық нышаны жоқ, үлгілі отбасыларды насихаттап бейнероликтер түсірілді. Тағы бірінде әйелдер арасында спорттық жарыстар ұйымдастырылды. Бұл науқандық шара әйелдерге қатысты зорлық-зомбылыққа қарсы белсенді іс-әрекеттің 16 күндігіне орай «Қазкөліккәсіп» ҚБ төрағасы Оразғали Ахметбаевтың №524 жеделхатына сәйкес өткізіліп отыр.    

Шараға алдымен үн қосқандар қатарында Қызылорда магистральдық желі бөлімшесінің кәсіподақ ұйымының төрайымы Ажар Ерманова мен Қызылорда белгі беру және байланыс дистанциясының кәсіподақ ұйымының төрайымы Ғалия Қожахметова Қызылорда қалалық полициясының инспекторы Айгерім Ерболат пен дінтанушы, ғалым Бақтияр Оспановтармен еркін форматта кездесу ұйымдастырды.

Халықаралық Конвенцияда әйелдердің құқын қорғап оларға қатысты жасалатын адами тіршілікке жат қылықтардың барлығын адамзат баласы құптамайтынын тілге тиек еткен құқық қорғау органы өкілдері осындай келеңсіз әрекеттердің орын алмауы үшін тұрғын үй аулаларына бейнебақылау орнатылып жатқанын,  тұрмыстық әлімжеттікке душар болған әйелдермен жұмыс істейтін орталықтар туралы әңгімелеген инспектор мұндай бастамалар тек акция барысында ғана емес, тұрақты әрі әділет органдарының бақылауымен қарқынды жүргізілуі керектігіне тоқталды.  

Жалпы қазіргі практикада адамның физиологиясына өзгеріс салу жолымен күш көрсету, жыныстық қол тиіспеушілігіне қарсы әрекет жасап, сексуалдық, экономикалық, нерв жүйесіне кері әсер ету арқылы психологиялық тұрғыдан бір адамның екінші бір адамға кері әсер етуі секілді тұрмыстық зорлық-зомбылықтың төрт түрі анықталғанын білдірген инспектор жыл басынан бері тұрмыстық зорлық-зомбылық жағдайымен 1300 хабарлама түскенін, бірақ олардың ішінде теміржолшы отбасының өкілдері жоқ екендігін жеткізді.

Жиында жастар науқандық шараға белсене қатысып өз ұстанымдарын білдірді.   Мәселен, Қызылорда теміржол вокзалының технигі Мақсат Тай өз үндеуінде жалпы зорлық-зомбылыққа қарсы екендігін білдіріп бейнеролик әзірлеп әріптестері арасында таратқан.    

Сонымен қатар Қызылорда магистральдық желі бөлімшесінің басшылығы ұйытқы болуымен Қазалы теміржол вокзалы, Қазалы қалпына келтіру және Өрт сөндіру пойыздары ұжымында өткен жиынға арнайы шақырылған Қазалы аудандық мешітінің бас имамы мен аудандық полиция бөлімінің өкілдері зорлық-зомбылық жайлы мағлұматтар берді.

Жаңалықтар
19.04.2025
«Алматы – Ташкент» пойызының жолсерігі баланы құтқарып қалды
Инфрақұрылым
18.04.2025
Достық-Мойынты учаскесінде 90 көпір орнатылды
Әлеумет
18.04.2025
Балалар арасында сурет салу байқауы басталды
Аймақтар
18.04.2025
Мамандық таңдау – маңызды іс
Аймақтар
18.04.2025
Қарт түбектің қақпасы қайта түлемек
Жүк тасымалы
18.04.2025
Қазақстан баламалы маршруттарды белсенді дамытуда
Жаңалықтар / Мұрағат
18.04.2025
Қазақстан теміржолшысы газеті, №29 18 сәуір 2025 жыл
Жаңалықтар
17.04.2025
ҚТЖ теміржол вокзалдарын ауқымды қайта құруға кірісті
Жаңалықтар
17.04.2025
ҚТЖ-да көктемгі комиссиялық тексеру басталды
Аймақтар
17.04.2025
Жамбыл облысында бес вокзал күрделі жөндеуден өтеді
Жүк тасымалы
17.04.2025
Кері байланыс қызмет көрсету сапасын арттырады
Аймақтар
17.04.2025
«Жолшы кәсібімен мақтан» республикалық семинары өтті
Инфрақұрылым
17.04.2025
Еліміздің алты өңірінде темір жолды жөндеу жүргізілуде
Қауіпсіздік
16.04.2025
Қызылорда өрт сөндіру пойызы кәсіби дайындықтарын шыңдады
Аймақтар
16.04.2025
Жолаушы қызметінде – қырық жыл
Жаңалықтар
16.04.2025
ҚТЖ-да танымал ақындардың шығармашылық кеші өтті
Жаңалықтар
16.04.2025
ҚТЖ Бизнес трансформация орталығы озық технологияларды енгізуде
Жаңалықтар
16.04.2025
Темір жолдарда су басу қаупі жоқ
ҚТЖ келбеті
15.04.2025
ЦЖС аруы Қызылордада тұрады
Спорт
15.04.2025
Теміржолшылар қалалық спартакиадада топ жарды