Темір жолдары бойындағы қайғылы жағдайлардың 90 пайызы жапа шегушілердің кінәсінен
Жергілікті салалық колледж студенттерінің қатысуымен Алматы-1 станциясында қауіпсіздік мәселелері бойынша акция болып өтті. Теміржолшылар М.Тынышпаев атындағы теміржол көлігі және жол қатынастары колледжі көліктік-экономикалық колледж студенттерін Алматы-1 станциясының жұмысымен, өндірістік процестермен таныстырды. Бұл туралы «Қазақстан темір жолы» ҰК» АҚ баспасөз қызметі хабарлады.
Акция барысында темір жолдарда қауіпсіздік ережелерін сақтау мәселелеріне ерекше назар аударылды. Болашақ теміржолшылар қайғылы жағдайларға алып келетін ережені бұзу жайынан жан жақты ақпараттар ала алды. Теміржолдары желілері аймағында жүріп-тұру ережелерін қатан сақтауға шақыратын, арнайы оқыту бейнероликтер көрсетілді.
Темір жолдары бойындағы қағып кетулердің 90% жапа шегушілердің кінәсінен болып жатады. Жолдарда жарақат алудың ең басты себебі – белгіленбеген орындардан рельстерді кесіп өтуші азаматтардың абайламайтындығынан және ескере бермейтіндігінен.
Статистика көрсеткендей, темір жолдарда жапа шеккен адамдардың 20% құлақтарына құлаққап іліп, локомотив дабылын тіпті естімеген де. Сондай-ақ өткір сезім әуесқойларының жүрісі, теміржолдар желілері бойында ойын ойнауы, қауіпті орындарда селфи жасауы алаңдаушылық туғызып отыр.
Теміржолшылар тұрақты негізде барлық теміржолы бөлімшелерінде алдын алу жұмыстарын жүргізіп, теміржол магистралы бойында – ерекше қауіпті аймақта тұратындарды темір жолындағы жүру ережелерін бұзбауға шақырды.