«ҚТЖ» ҰК» АҚ жастардың кәсіби және тұлғалық өсуі үшін барлық жағдайлар жасалуда
2019 жылдың 18 қаңтарында «ҚТЖ» ҰК» АҚ әкімшіліктік ғимаратында Компанияның жастар саясатын жүзеге асыру мәселелері бойынша брифинг болып өтті.
«Мемлекет басшысы Қазақстан халқына арнаған өз Жолдауында 2019 жылды – Жастар жылы деп жариялады», - деп сабақтаған сөзінде «ҚТЖ» ҰК» АҚ Басқарма Төрағасының корпоративтік мәселелер жөніндегі орынбасары Серік Әбденов және де Қазақстанның көліктік-логистикалық кешенің дамыту саласындағы мемлекеттік бағдарламаны орындау жөніндегі Компания алдында тұрған міндеттерді шешуде жастардың қосқан үлесін атап көрсетті.
2009 жылдан бастап «ҚТЖ» ҰК» АҚ жас кадрлардың инновациялық әлеуетін дамыту, кәсіби, тұлғалық өсімі үшін жағдайлар жасауға бағытталған Жастар саясаты бағдарламасы сәтті жүзеге асырылуда.
Бағдарламаны жүзеге асыру шеңберінде теміржол саласы үшін жас мамандарды даярлауға ерекше назар аударылып келеді. Жыл сайын жақсы және өте жақсы үлгерімімен оқып жүргендерге Компания Басқарма Төрағасының Атаулы стипендияларын және «Магистраль» бағдарламасымен оқуға білім грантын беру бойынша жұмыстар жүргізілуде. Соңғы 3 жылда «Магистраль» бағдарламасы бойынша 60 білім гранты және 33 атаулы стипендия берілді. Компания жұмысына жас мамандарды тарту үшін болашағынан үміт күттіретін жастарды таңдаудан бастап олардың маңсаптық өсімі мен дамуында әр түрлі тәсілдер қолданылып келеді. 2016 жылдан бастап Компания кәсіпорындарына ҚазККА шамамен 240 түлегі жұмысқа орналастырылды.
Компания сондай-ақ салалық мамандықтар бойынша арнайы орта және жоғары оқу орындары шәкірттерінің өндірістік тәжірибеден өтуіне мүмкіндік береді. 2016 жылдан бастап 6 мыңнан астам шәкірт өндірістік тәжірибеден өткен. Бұдан басқа, Компанияда үлгерім деңгейі жоғары ҚазККА студенттері үшін төленетін өндірістік тәжірибе енгізіліп отыр. 2018 жылдың қортыныдысы бойынша ҚазККА 53 студентіне 2,9 млн. теңге стипендия төленді.
Теміржол саласындағы жұмыстың тартымдылығын жақсарту және кадрлық әлеуетін нығайту, сақтау үшін «ҚТЖ» ҰК» АҚ қызметкерлерін әлеуметтік кепілдіктермен қамтамасыз ету, соның ішінде баспана мәселесін шешу бойынша міндеттемелерді өз мойнына алған.
Компаниядағы Жастар саясаты бағдарламасын жүзеге асыру шеңберінде олардың кәсіби және тұлғалық дамуы үшін жыл сайын республикалық жастар форумы, «Сен болмасаң, кім?» жастар корпоративтік лагерінің сессиялары, жылсайынғы «Жас кәсіби маман» жастар сыйлығын беру бойынша конкурстары және жыл сайын «Жоба-менеджмент» өңірлік инновациялық конкурстары өткізіледі. 2018 жылдың 4 желтоқсанынан Жастардың ІХ республикалық форумында «ҚТЖ» ҰК» АҚ Басқарма Төрағасы С.М.Мыңбаев «ҚТЖ 100 жас тұлға» жобасының іске қосылғандығын жария етті. 2019 жыл бойы «Worldskills Hi-tech» чемпионатына қатысуға, халықаралық тәжірибеден өтуге және де МВА бағдарламасы бойынша оқуға мүмкіндік алатын Компанияның тиімді де жоғарыәлеуетті 100 үздігі анықталатын болады.
Анықтама:
Бүгінгі таңда Компания мен оның еншілес ұйымдарында 52 мың жас қызметкер жұмыс істесе, бұл барлық қызметкерлер санының 39% құрайды.
фото: voxpopuli.kz