Марапат иесін тапты

Әлеумет
17.10.2020, 09:58
Қосұйым Мұқашев

Атырау облысы бойынша меншікті тілші

Атырау магистральдық желі бөлімшесінде 2019 жылдың қорытындысы бойынша салалық жарыс жеңімпаздарын ма- рапаттау рәсімі өтіп, «жүзден жүйрік, мыңнан тұлпар» шыққан темір жол қызметкерлері мен еңбек ұжымдары құрметке ие болды. Әрине, марапаттардың кешігіп келіп жатқаны да, оған наурыз айынан бері COVID-19 індетіне байланысты елде жарияланған карантин себепші болғаны да рас.

Бірақ «Ештен кеш жақсы» деген. Бүгінгі сәтте темір жол қатынасы қайта ашылып, байланыс орнатылған соң елордада кідіріп қалған марапаттар да келіп жетті. Оны бөлімше басшысы Елеубай Сапаров ұжым алдында иелеріне табыстады. 

– Әлемді шарпыған індет жағдайына қарамастан, елімізде үздіксіз жұмыс жасап, кідіріссіз еңбек еткен сала болса, ол – темір жол һәм теміржолшылар. Бөлімшеміз биылғы жыл қорытындысымен де салалық жарыста алдыңғы лектен көрінгені – біз үшін үлкен абырой. Ол – сіздердің ерен еңбектеріңіздің арқасы. Өкінішке қарай, коронавирус індеті теміржолшыларды да айналып өтпеді, кейбір әріптестеріміз ауырып, дүниеден озғаны да бар. Соның бірі – Мақат вокзалының бастығы болған әріптесіміз Бибігүл Бозжігітова. Ол «ҚТЖ» ҰК» АҚ басқарма төрағасы С.Мыңбаевтың 24 маусымдағы хаттамасымен «Үздік маман» белгісімен марапатталған бола тын. Алайда, шілде айында әріптесімізден айрылып қалдық. Жоғарыда айтқан себептерге байланысты марапат кеш табысталып отыр, – деді ол.

«Үздік маман» белгісі Бибігүл Бозжігітованың қызы Гүлжанға табыс етілді. Басшының атап өткеніндей, Мақат вокзалын көп жылдар басқарып, оның жолаушыларға лайықты қызмет көрсетуіне үлкен еңбек сіңірген теміржолшының ерен еңбегінің арқасында сервис жақсарып, ғимарат жөнделіп, сырты абаттандырылған, айнала жарықтандырылып, көп жұмыс атқарылған. 

Сондай-ақ оның иелігінде барлығы тоғыз вокзал болыпты, Олар: Мақат, Сағыз, Мұқыр, Жантерек, Кенбай, Жамансор, Доссор, Ескене, Таскескен вокзалдары. 

2019 жылдың қорытындысымен өндірістікшаруашылық қызметте жоғары нәтижелерге қол жеткізгені, пойыздар қозғалысының қауіпсіздігін қамтамасыз еткені үшін «Атырау магистральдық желі бөлімшесі» ұжымы 2-дәрежелі дипломмен марапатталып, ол бөлімше басшысының бірінші орынбасары Ж.Жөнтұрбаевқа табыс етілді. Атырау электрмен жабдықтау және Мақат қалпына келтіру пойызы ұжымдары да осындай атаққа ие болып, 3-дәрежелі дипломға қол жеткізді. 

«Кәсібі бойынша үздік» төсбелгісімен Ганюшкино станциясындағы өрт сөндіру пойызының өрт сөндірушісі Талғат Сұлтанов пен Атырау белгі беру және байланыс дистанциясының Исатай станциясындағы СОБ аға электр механигі Ержан Гайсин, «Үздік маман» белгісімен Мақат станциясы қалпына келтіру пойызының бастығы Саламат Кекілбаев, Атырау белгі беру және байланыс дистанциясының еңбек қорғау және қауіпсіздік техникасы бойынша жетекші инженері Жаңыл Дильмағамбетова, Атырау электрмен жабдықтау дистанциясы бастығының орынбасары Мейрамбек Ноғайбаев, ҚР Президентінің Жарлығымен Ақжайық қалпына келтіру пойызының гидропневматика жөніндегі шебері Әмірхан Сәңкібаев «Қазақстан Конституциясына 25 жыл» мерекелік медалімен марапатталып, мерейлері үстем болды. Оларға марапатпен қоса сыйақы да беріліп, ұжым мүшелеріне үстемеақы қосылатынын да айта кеткен жөн.

Аймақтар
20.06.2024
Семейде қалаішілік жаңа желінің құрылысы басталды
Әлемде
20.06.2024
Hyundai Rotem Өзбекстанға алты жүрдек пойыз жеткізеді
Қауіпсіздік
20.06.2024
Түркістан түлеп келеді, ал өткелдің жайы өзекті
Қауіпсіздік
19.06.2024
Өндірісте еңбек қауіпсіздігін сақтау маңызды
Темір жол тарихы
19.06.2024
Теміржол тарихы: Әулиеатаға теміржол қалай келді?
Спорт
19.06.2024
Атырауда теміржолшылардың жазғы спорт алаңы ашылды (Фото)
Жаңалықтар
19.06.2024
ҚТЖ-да "Үздіктер алаңы" корпоративтік даму бағдарламасы басталды
Әлеумет
19.06.2024
Ақмолалық дәрігер жүрдек пойызда толғағы қысқан әйелді босандырды
Әлемде
19.06.2024
Euro-2024 жанкүйерлері үшін Германия жаңа жүрдек пойызды іске қосты
Әлемде
18.06.2024
Мамырда Қытай-Еуропа бағытындағы жүк пойыздар рекордтық көрсеткішке жетті
Инфрақұрылым
18.06.2024
Шымкенттің вокзалы жаңа келбетке ие болды
Жолаушылар тасымалы
18.06.2024
Елдің батысына су жаңа вагонмен қамтылған пойыздар жүре бастады
Жаңалықтар
18.06.2024
Теміржолда киіктердің қоныс аудару жолдарын қамтамасыз ету жұмыстары жүргізілуде
Жаңалықтар / Мұрағат
18.06.2024
«Қазақстан теміржолшысы» газеті, №51 18 маусым 2024 жыл
Әлемде
17.06.2024
Үндістанда екі пойыз соқтығысып, 15 адам қаза тапты
Жаңалықтар
17.06.2024
Қазақстанның екі қаласындағы теміржол бекеттерінде жөндеу жұмыстары толығымен аяқталды
Жаңалықтар
17.06.2024
Пойыздағы адамдардың мазасын алған мас жолаушы айыппұл арқалады
Қауіпсіздік
17.06.2024
Маңғыстауда биыл 12 мал пойыздың астына түскен
Жүк тасымалы
17.06.2024
Жіңішке жүк станциясының бүгінгі жай-күйі
Әлеумет
17.06.2024
Теміржолшылар Құрбан айтта қайырымдылық жасады