Үздік команда – теміржолшылар

Спорт
03.03.2023, 11:03
Суретті түсірген автор
Қуаныш Қожаев

Абай облысы бойынша меншікті тілші

Жуырда Абай облысында «Еңбекші жастар-2023» фестивалі аясында спорттың шағын футбол түрінен аймақтағы іргелі еңбек ұжымдары арасында сайыс өтіп, теміржолшылар жеңіске жетті.

Турнирге «Қазақстан темір жолы» ҰҚ» АҚ Семей магистральдық желі бөлімшесінің әуесқой футболшыларынан тұратын құрама командасы қатысып, бақ сынады. Осыған дейін ұлттық компания бойынша республиканың әр түкпірінде, тіпті шет елдерде де жарысқа барып, шеберлік сынап жүрген семейлік теміржолшылар үшін бұл жолғы сайыс қиынға түскен жоқ. Барлық қарсылас командаларды ұпай санымен ойсырата ұтып, жеңіс тұғырына еркін көтерілді. Осылайша турнирге қатысқан 8 команда арасында теміржолшылар мерейі үстем болды.  

Бас жүлдені жеңіп алған теміржолшылар атқарушы билік тарапынан ақшалай сыйлыққа ие болды. Ал екінші орынды «12 ай» компаниясының Семей филиалы иеленді. ІІІ орын «Семей қаласының жедел медициналық жәрдем ауруханасының» құрама командасына бұйырды.  

Мұнымен қатар, «Үздік ойыншы» номинациясының иегері болып Мархат Нұрахметов, Жомарт Болатов есімді спортшылар танылды. Ал «Үздік қақпашы» номинациясының иегері Мерей Айткенов құрметке кенелді.  

Бір айта кетерлігі, аталған фестиваль аясында теміржолшылардың жас буыны ең үздік еңбекші жастар ретінде де жоғары бағаланды.  

– Мұндай шаралардың жастар үшін маңызы зор деп санаймыз. Бүгінгі таңда еңбекші жастар өз уақыттарын тиімді өткізіп, қайырымдылықпен, спортпен шұғылданады. Сондықтан қоғамның қозғаушы күші саналатын жастар қауымы кәсіби еңбекті қоғамдық шаралармен тығыз астастырып, қатар алып жүр деу- ге толық негіз бар. Фестиваль барысында олардың атқарушы билік тарапынан марапатталуы осы жолдағы еңбектерінің бағалануы деп білеміз. Президентіміз атап өткендей, еліміздегі еңбекқор жастар мен нағыз кәсіби мамандық иелерінің жетістіктері жоғары бағаланып, кейінгі толқынға үлгі етілуі тиіс, – дейді бұл орайда фестиваль жүлдегері, Семей ЖТ бөлімшесіндегі «Локомотив» спорт клубының нұсқаушысы, кәсіпқой футболшы Жанат Мойынбаев.  

 

Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі
Темір жол тарихы
06.05.2025
Ешкім де, ештеңе де ұмытылмайды