Арыста ұлттық спорт түрлерінен сайыс өтті

Спорт
25.03.2023, 13:46
Суретті түсірген автор

Наурыз мейрамында «Қазақстандық салалық теміржол, автомобиль, әуе және су көлігі қызметкерлерінің кәсіби одағы» қоғамдық бірлестігінің Шымкент филиалының ұйымдастыруымен Арыс қаласында теміржол мекемелері арасында  ұлттық ойындардан сайыс өтті.

Наурыз мерекесіне орай өткен сайыста теміржолшылар тоғызқұмалақ, арқан тарту, асық ату сияқты ұлттық спорт түрлерінен жарысты.

Өмірі теміржолмен тікелей қабысқан қызметкерлер биыл жарыстың дәстүрлі түрде 10-шы жыл қатарынан ұйымдастырылып отырғанын айтып,  сайыста белсенділік танытты. Спорттық жарысқа ВЧД-30, ШЧ-38, ДС Арыс, ТЧЭ-32, ПЧ-54 мекемелерінен 7 команда жасақталып,  50 адам бақ сынасты.

Іс-шара барысында «Қазақстандық салалық теміржол, автомобиль, әуе және су көлігі қызметкерлерінің кәсіби одағы» қоғамдық бірлестігінің спорт нұсқаушысы Елена Маньшина және Жүк тасымалы кәсіподақ комитетінің Арыс станциясының цехком төрағасы Телгозы Шорахан сөз сөйлеп, сайысқа қатысушыларға алғыс білдіріп, отбасыларына табыс пен қиын еңбекте сәтті жол тіледі.

Спорттық жарыста арқан тарту түрінен жеңіске жеткен командалар:

І орын – ШЧ-38 командасы  

ІІ орын – ПЧ-54 командасы

ІІІ орын – ВЧД-30 командасы иеленді.

Тоғызқұмалақ:

І орын – Мұрат Әбдібаитов, ШЧ-38 командасы

ІІ орын – Мырзан Назарбай, ТЧЭ-32 командасы

ІІІ орын – Нұрлан Кілібаев, ДС Арыс командасы.

Асық ату:

І орын – Асхат Жанәділ, ВЧД-30 командасы,  

ІІ орын – Кенжебек Күшікбаев, ШЧ-38 командасы,  

ІІІ орын – Әзімхан Оқсықбаев, ПЧ-54 командасы.

Жеңімпаздар «Қазақстандық салалық теміржол, автомобиль, әуе және су көлігі қызметкерлерінің кәсіби одағы» қоғамдық бірлестігінің алғыс хаты, медаль және қаржылай сыйлықтармен марапатталды, оған қоса І орын иегерлері Бурабайға жолдама алды.

Арқан тартудан ІІ орын иегері ПЧ-54 мекемесінің жол жөндеушісі Мақсат Жолдасов 10 жылдан бері осы мекемеде қызмет етіп келе жатқанын айтады.

«Маған спортпен айналысқан ұнайды, тек қана арқан тарту емес басқа да спорт түрімен айналысамын. Жалпы теміржолшыларға бұндай спорттық жарыстар көптеп ұйымдастырылып тұрса, себебі ауыр жұмыс күннің соңы шаршағаннан қалай аяқталғанын да білмей жатамыз. Бір мезгіл бізге де спорт, қоғамдық іс-шаралар арқылы серпіліп тұруымыз керек деп ойлаймын. Бүгінгі жарыстың мақсат – жеңу емес, өз ұжымымызды қолдау болды», – дейді ол.  

ШЧ-38 мекемесінің электромеханигі, асық атудан ІІ-орын иегері Кенжебек Күшікбаев асық ату ойынын балаларына да үйретіп келе жатқанын жеткізді.  

«Жалпы әріптестеріміздің Бурабайға барып спорттық жарысқа қатысып жүргенін естиміз, биыл бізде қатысып бақ сынап көрдік. Өз балаларыма ата-бабадан дарыған «асық атуды» үйретіп келемін, біз жасаған нәрсе өскелең ұрпаққа өнеге. Сондықтан да тек Наурызда емес, жалпы ұжым арасында ұлттық спорт түрлерін жас-кәрі демей жаппай насихаттау керек деп ойлаймын», – дейді К. Күшікбаев.

«Қазақстандық салалық теміржол, автомобиль, әуе және су көлігі қызметкерлерінің кәсіби одағы» қоғамдық бірлестігінің Арыс қаласы бойынша спорт нұсқаушысы Көмек Асанов теміржолшылардың ұлттық ойындар сайысына деген қызығушылығы зор екенін айтты.

«Іс-шара жоспары құрылып мекеме атынан хабарландыру дайындағаннан бастап теміржолшылар белсенді түрде жарысқа қатысуға өтінім білдірді. Соның ішінде Арыс станциясынан 7 бірдей мекеме жиналғандықтан жарыс осында өткізілді. Ең мықты командалар Республикалық жарысқа жолдама алды. Түнгі ауысымнан шықса да жарысқа қатысқан азаматтарға ерекше алғыс білдіремін. Ауыр жұмыспен шаршаған теміржолшылар үшін бүгінгі жарыс жаңа серпіліс және мотивация болды», – дейді ол.

Сабира Байзахова, Шымкент

 

Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды