Волейболдан ҚТЖ чемпионатына іріктеу жүріп жатыр
Атырау облысы бойынша меншікті тілші
Темір жол саласында өндіріспен қатар спортты дамыту тұрақты жүргізіледі. Сондықтан теміржолшлар арасында кәсіби деңгейдегі споршылар аз емес. Бүгінгі таңда барлық аймақ алдағы мамыр айында өтетін волейболдан «ҚТЖ» ҰК» АҚ чемпионатына қызу дайындалуда.
Кәсіподақ ұйымының ұйымдастырумен және демеушілік көрсетуімен чемпионат қарсаңында Атырауда өткен іріктеу турниріне 9 команда қатысты. Олар: Атырау және Мақат локомотив пайдалану деполары, Ганюшкино станциясы, Атырау және Құлсары байланыс дистанциялары, Атырау вагон пайдалану депосы, Құлсары жол дистанциясы, Атырау электрмен жабдықтау дистанциясы және әскерилендірілген темір жол күзеті мекемесінің командалары. Әрине, командалар саны көп болған сайын, ойын да тартысты өтеді. Дегенмен, осы тоғыздың тек біреуі ғана жеңімпаз болып, чемпонатқа жолдама алады. Ол үшін ол өзіне қарсылас сегіз команданы жеңіп шығу керек. Сондықтан да командалар ә дегеннен барын салып ойнады. Допты қақпақылдап қолдан қолға өткізіп, қарсылас команда алаңына ұрып, қай-қайсысы да қапы кетпеуге тырысты.
Соңына қарай Атырау локомотив пайдалану депосының командасы қарсыластарын түгелдей ойсырата ұтып, жеңіске жетті. Ал, Ганюшкино станциясы 2-ші орынды иеленсе, Атырау белгі беру және байланыс дистанциясы 3-ші орынды місе тұтты. Жеңімпаз командалар кубокпен, диплом және ақшалай сыйлықпен марапатталды. Ал бағы жанған Атырау локомотив депосының командасы чемпионатта Атырау өңірінің намысын қорғайтын болады.