Қытайда жоғары жылдамдықты тағы бір темір жол желісі іске қосылды
Қытайдағы Чжэцзян провинциясында Хучжоу – Ханчжоу жолаушылар тасымалы бағытында ұзындығы 137,8 шақырым болатын жоғары жылдамдықты темір жол желісі іске қосылды, деп хабарлайды Rail-news.kz.
Бұл бағыттағы пойыздың ең жоғарғы жылдамдығы сағатына 350 шақырым. Аталған желі Шанцю – Хэфэй – Ханчжоу дәлізінің бір бөлігі болып табылады. Ұзындығы 798 шақырым болатын бұл дәліз 2019 жылы пайдалануға берілген.
Жаңа желі Дэцин және Тунлу уездеріне қызмет көрсетеді, осы жылдың 10-15 қыркүйегі аралығында онда Азия ойындары өту керек болған. Бірақ, коронавирус пандемиясына байланысты 2023 жылға шегерілді.
Жоғары жылдамдықты желі Азия ойындарына келген қонақтарды негізгі нысандарға дер кезінде жеткізіп, қаланы аралағысы келетін халық нөпірін біршама азайтуға және қонақтарға ыңғайлы жағдай жасауға бағытталған.
Айта кетсек, Хучжоу – Ханчжоу бағытындағы жоғары жылдамдықты темір жол желісінің құрылысы 2019 жылы басталған. Жоба барысында 50 көпір пен 33 тоннел жасалды. Осы жылдың сәуірінде пойыздарды сынақтан өткізу жұмыстары жүргізілді.