Alstom компаниясы Чехияда сутегімен жүретін пойыздарды іске қоспақ
Alstom компаниясы әлемдегі ең ірі сутегі өндіруші әрі жеткізуші Air Products компаниясымен өзара түсіністік туралы меморандумға қол қойды, деп хабарлайды Rail-news.kz.
Осылайша Чехияның теміржол көлігінде отынның осы түрін пайдалану және соған қажетті инфрақұрылымды топтастыру қамтамасыз етілмек. Екі компания да бұл әріптестік Еуропалық жасыл келісімнің мақсаттарына жетуге көмектеседі деген сенімде.
Alstom компаниясы Air Products-пен арадағы ынтымақтастық көлік отынын құю пункттеріне сутегіні жеткізуді қамтамасыз етеді және Чехияда әлі жоқ сутегімен жүретін пойыздарды пайдалануға беру үшін қажетті құқықтық базаны құруға көмектеседі деп үміттеніп отыр.
2018 жылы Alstom компаниясы алғаш рет Германияда сутегімен жүретін Coradia iLint пойызын іске қосты. Мұндай пойыз Австрия, Нидерланд, Швеция және Польшада сынақтан өтіп, Франция мен Италиядан тапсырыс түскен. Ал, 2022 жылдың мамырында Coradia iLint пойызы Чехия мен Словакияда таныстырылды.