Түркия өздері өндірген электр локомотивтерін іске қосты
Түркия өз өндірісіндегі алғашқы электр локомотивтерді іске қосты. Е5000 сериялы тепловоздар ұлттық тасымалдаушы TCDD-ге тапсырылды. Алғашқы бес локомотив өткен аптада Ескішехирде салтанатты түрде берілді. Барлығы 95 локомотив үш жыл ішінде жеткізіледі, деп хабарлайды Rail-news.kz.
Локомотивті TÜBİTAK RUTE институты әзірлеген. Ол 140 км/сағ жылдамдықпен жүріп, 5 мегаватт қуат өндіре алады. Еуропалық стандарттарға сай екені расталған.
Түркияның көлік министрі Абдулкадир Уралоғлу жобада 115 жергілікті жеткізуші қатысқанын айтты. Барлық негізгі бөлшектер – трансформаторлардан бастап басқару жүйесіне дейін – Түркияда жасалған. Бұл елдің өндірістік тәуелсіздігін арттырады.
2025 жылы тағы 15 локомотив, 2026 жылы – 30, ал 2027 жылы – 45 локомотив жолға шығады. Бұл жоба Түркияның жоғары технологиялы машина жасау саласын дамыту стратегиясының бір бөлігі ретінде қарастырылады.