Алтынкөл – Жетіген теміржол инфрақұрылымы учаскесін жаңғырту жүзеге асырылды
Қазақстан теміржолдарының өткізу қабілеті жаңғыртылған Алтынкөл – Жетіген учаскесінде нөлден салынған 5 жаңа разъездің есебінен ұлғайтылуда, сондай-ақ 7 қолданыстағы бөлу пункттерінде қосымша қабылдау-жөнелту жолдары салынды. Барлық жұмыстар бекітілген кестелерден бұрын аяқталды, деп хабарлайды Rail-news.kz.
«ҚТЖ» ҰК» АҚ-да Алтынкөл – Жетіген теміржол инфрақұрылымы учаскесін жаңғырту 3 мың шқ-нан астам қолданыстағы желілерді жаңарту және жөндеу жөніндегі ауқымды бағдарлама аясында жүзеге асырылды.
Жобаны іске асыру барысында Алтынкөл – Жетіген учаскесінде 293 шқ теміржол жолы жаңғыртылды. Жобаны жүзеге асыруға 188 жұмыскер мен 80 бірлік техника жұмылдырылды.
Учаскені жаңғыртудың аяқталуы инфрақұрылымның сенімділігін арттыруға, теміржол желісінің өткізу қабілетін ұлғайтуға және елдің көлік дәліздерінің орнықты дамуын қамтамасыз етуге бағытталған.