ҚТЖ қызметкерлердің білімін жетілдіруге арналған «Мүмкіндік» жаңа оқу курсын әзірледі
Корреспондент газеты «Қазақстан теміржолшысы»
«ҚТЖ» ҰК» АҚ HR командасы қызметкерлердің өзін-өзі жетілдіруіне, бизнесте бағын сынап көруіне, жаңа әдістерді меңгеріп, тәжірибе жинауына мүмкіндік беретін «Мүмкіндік» жаңа оқу бағдарламасын әзірледі деп хабарлайды Rail-news.kz
Бағдарламаның мақсаты – теміржолшылардың компаниямен еңбек шарты тоқтатылған жағдайда олардың басқа кәсіпке бейімделу процесін жеделдету үшін пайдалы білім ресурстарымен қамтамасыз ету.
"Мүмкіндік" бағдарламасы қазақ және орыс тілдерінде онлайн оқытудың үш модулін қарастырады: "Бизнес", "ізденуші" және "Soft-бағдарламалар". Олардың әрқайсысы өзекті тақырыптар бойынша вебинарлар сериясын қамтиды.
Бірінші модуль өз ісін ашуды және болашақта бизнеспен айналысуды жоспарлап отырғандарға арналған. Шаруаны неден бастау керек, қайда жүгіну керек, бизнес-жоспарды қалай құру керек, қаржылық сауаттылық пен маркетингтің негіздері – барлық қажетті ақпарат курста ұғынықты түрде баяндалады.
"Ізденуші" модулі компаниядан тыс жұмыс іздейтін қызметкерлер үшін қажет. Мұнда олар түйіндемені дұрыс толтыруды, сұхбатқа дайындалуды үйренеді. Сонымен қатар, кешенді вебинар жұмыссыздарды мемлекеттік қолдау шаралары, жұмыспен қамту орталықтары және олар көрсететін қызметтер, өңірлер бойынша сұранысқа ие мамандықтар туралы хабардар етеді.
"Soft-бағдарламалар" модулі уақыт талабына сай өзгерістерден хабардар болуға, екіұдайы сәттерде өз-өзін ынталандыруға, стрессті жеңуге, мақсат қоюға және нәтижеге қол жеткізуге үйретеді.
Жалпы курс қашықтықтан оқыту және тестілеу жүйесіне жүктелген және оңтайландыруға түсетіндерге қол жетімді. Қалған қызметкерлерге оқу бағдарламасы әр апта сайын жұма күндері ұсынылатын болады, 2022 жылғы 4 ақпанда "кәсіпкердің құқықтық сауаттылығының негіздері. Бәрін қалай дұрыс жасау керек?" деген деген тақырыпта қазақ және орыс тілдерінде дәріс басталып та кетті.