Астанада «Жас үздік маман» байқауы қорытындыланды

Елордада теміржол саласының бес өндірістік кәсіптері арасында «Жас үздік маман» республикалық салалық байқауы өтті. Байқауға жолаушылар вагонының жолсеріктері, станция бойынша кезекшілер, пойыз құрастырушылар, қалпына келтіру пойызының кран машинистері және БОБ электромонтерлері қатысты, деп хабарлайды Rail-news.kz.

Іс-шараның мақсаты – жұмысшы мамандығының беделін өсіре түсу, еңбек өнімділігін арттыру және жас мамандарды ынталандыру. Байқау екі кезеңде – аймақтық және республикалық етіп өткізілді.

Байқаудың республикалық кезеңінің қорытындысы бойынша «Жолаушылар вагонының үздік жолсерігі» номинациясы бойынша «Жолаушылар тасымалы» АҚ «Западный» филиалының Ақтөбе учаскесінен Мырзабек Ахметов жеңімпаз атанды. Қарағанды бөлімшесінің станция бойынша кезекшісі Әділжан Егінбек, Маңғыстау бөлімшесінің пойыз  құрастырушысы Бекмырза Қожаев, Қостанай магистральдық желі бөлімшесінің қалпына келтіру пойызы кранының машинисі Қуаныш Әубәкіров үздік атанды. «БОБ үздік электромонтері» номинациясы Жамбыл магистральдық желі бөлімшесінің қызметкері Абдулла Оразға берілді.