Достықтағы «достық» ескерткіші
«Қазақстан теміржолшысы» газетінің тілшісі
Жуырда Қазақстан мен Қытай шекарасындағы Достық теміржол станциясында ашылған «Достық» ескерткіші – екі ел арасындағы ынтымақтастық символы.
Қазақ және қытай халықтарының көпжылдық достығы қола мен мәрмәрдан жасалған ескерткіш композициясы арқылы бейнеленген. «Бір белдеу – бір жол» – Ұлы Жібек жолының ұраны және осынау көне сүрлеу арқылы бүгінде Қазақстанды әлемнің барлық елдерімен қуатты логистикалық жүйе арқылы байланыстыратын жетекші көлік артериясы түзілген.
Жер шары бейнеленген композицияны айнала орналасқан теміржол желісі «Мебиус лентасы – шексіздік лентасы» – қағидаты бойынша жасалып, халықтар мен мемлекеттер арасындағы сауда-экономикалық байланыстардың шексіздігін білдіреді. Қазақстан мен Қытай туларының түстерімен әрленген рельстер әлемдік сауда мен логистикадағы сауда стратегиясы мен серіктестіктің символын білдіреді.
Көгілдір түс Қазақстан, ал қызыл түс Қытай елін бейнелейді. Қола мүсіннің ең үлкен өлшемі 2,5 метрден асады және ол биіктігі 2 метр болатын мәрмәр тұғырға орнатылған. Мүсіндік композицияның жалпы биіктігі 3 метрден асады.