KTZ Express транзиттік контейнерлік тасымал көлемін арттыруда
«KTZ Express» АҚ мен «Crct Қазақстан Халықаралық логистикасы» ЖШС стратегиялық ынтымақтастық туралы келісімге қол қойды, деп хабарлайды Rail-news.kz. Тараптар компаниялары Қазақстан арқылы өтетін транзиттік контейнерлік тасымалдар көлемін ұлғайтуға ниетті. Екі компания басшыларының пікірінше, олар қол қойған құжат логистикалық тізбектерді дамыту саласындағы өзара тиімді ынтымақтастықты тереңдетудің маңызды тетігі болады. Келесі жылы «Crct Қазақстан Халықаралық логистикасы» ЖШС ҚХР-дың әр түрлі провинцияларынан 300-ден астам контейнерлік пойыз жөнелтуді жоспарлап отыр. «KTZ Express» АҚ деректері бойынша, 2021 жылдың 11 айында «Crct Қазақстан Халықаралық логистикасы» ЖШС-мен бірлесіп, барлық бағыттар бойынша Қазақстан арқылы 180 контейнерлік пойыз тасымалданды. «Crct Қазақстан Халықаралық логистикасы» ЖШС - China Railways Container Transport Co. Ltd. ірі контейнерлік операторының филиалы - «KTZ Express» АҚ-ның Қытай ішке/кері/арқылы Еуропа, АҚЕ, РФ контейнерлік пойыздарды ұйымдастыруда, сондай-ақ Транскаспий бағдарында стратегиялық серіктес болып табылады.