2022 жыл басталғалы шамамен 4 миллион тоннаға жуық көмір тасымалданды
Қазіргі таңда әлеуметтік маңызды жүк санатындағы көмір теміржол көлігімен жоспарға сай тасымалдануда. Мәселен, жаңа жылдың алғашқы он бір күнінде 3,5 млн тонна қатты отын тиеліп, діттеген жеріне жөнелтілген.
Өткен жылға қарағанда өсім 1,2% құрап отыр. Соның ішінде жылу-электр орталықтарына жеткізілгені – 2,2 млн тонна. Осыдан-ақ көмір қорының көлемі артқанын байқайсың.
Осы арада әлеуметтік маңызға ие жүктерді «Қазақстан темір жолы» ұлттық компаниясы ерекше назарда ұстап тұрғанын айтар едік. Күн сайын көмір разрездері өкілдерінің қатысуымен шұғыл штаб жиыны өтуде. Ал маңызды жүкті тасымалдау үшін ашық вагондар жүк жөнелтушілердің өтінімдері сай толық көлемде ұсынылып отыр. Демек, көмірді тиеуде қажетті құраммен қамтамасыз етуде және тасымалдауда еш кедергі жоқ.