«Қаңтар қасіреті» кезінде уақытша жабылған екі бекет жұмысы қалпына келтірілді

Жүк тасымалы
21.01.2022, 11:15
Ардақ Ерубаева

Ақтөбе облысы бойынша меншікті тілші

«ҚТЖ-Жүк тасымалы» ЖШС Батыс филиалының басшысы Бөріхан Беркімбаев төтенше жағдай кезінде уақытпен санаспай жұмыс істеген теміржолшыларға алғыс айтты. Сонымен қатар, басшы тәртіпсіздіктер кезінде жабылған екі бекеттің жұмысы қалыпқа келгенін хабарлады.

Бөріхан Сматуллаұлының айтуынша, аймақта төтенше жағдай кезінде «Пойыздар қозғалысын ұйымдастыру орталығында» пойыздардың тоқтаусыз қозғалысын ұйымдастыруға құрылған штаб жұмыс атқарған. Вокзалдар күшейтілген тәртіпте жұмысқа көшіп, билет кассаларының жұмысы қадағаланған.

Батыс Қазақстанның едәуір бөлігінде жергілікті халықтың шоғырлануына байланысты екі бекет уақытша жабылды: Жем станциясы – 21 сағат 10 минутқа, Әйтеке би станциясы – 14 сағат 57 минутқа.

Елде бірнеше күн қатарынан болған тәртіпсіздіктер салдарынан барлығы 691 адамды құрайтын 5 жолаушылар пойызы: Нұр-Сұлтан-Атырау, Алматы-Атырау, Ақтөбе-Атырау, Ақтөбе-Алматы, Ақтөбе-Маңғыстау бағытындағы жолаушылар пойыздарының қозғалысы шектеліп, тұрып қалды.

«Теміржолшылар сын сағатта аяқтарынан тік тұрып қызмет атқарды. Әріптестерімізге адал қызметі үшін алғыс білдіремін. Темір жол саласының барлық бөлімшелерінің басшылары әкімдіктермен және облыстық бөлімшенің штабымен бірлесе отырып, келіссөздер арқылы Қандыағаш станциясында іркіліп қалған пойыздар қозғалысын дер кезінде ашуға, сондай-ақ Жем, Әйтекеби арқылы жолаушылар пойыздарын өткізуге қол жеткізді. Осы жерде атап өту керек, теміржол көлігінің барлық инфрақұрылымы, оның ішінде жол табанына еш зақым келген жоқ. Қазіргі таңда белгіленген кесте бойынша жолаушылар пойыздарының қозғалысы толығымен қалпына келтіріліп, 129 жүк пойызы діттеген жеріне жөнелтілді. Жалпы облыстағы жағдай тұрақты», – деді Батыс филиалының басшысы.

Сонымен қатар жергілікті атқарушы органдар мен теміржолшылар арасынан шыққан еріктілердің бірлескен күш-жігерінің арқасында жолаушылар пойызының тұрақтарында ыстық тамақ ұйымдастырылып, пойыздар ауыз сумен, қатты және дизель отынмен жедел қамтамасыз етілгені де атап өтілді.

Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды