ҚТЖ-жүк тасымалы: кәсіподақ өкілдері бас қосты

Жүк тасымалы
23.09.2022, 09:28
Суретті түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

«Қазкөліккәсіп» ҚБ мерейтойы қарсаңында «ҚТЖ-Жүк тасымалы» ЖШС бойынша Кәсіподақ кеңесінің отырысы өтті. Оған бірлестіктің Орталық кеңесі және серіктестіктің өңірлердегі кәсіподақ филиалдарының басшылары мен ардагерлері қатысты.

 Отырысқа модераторлық еткен «ҚТЖ-Жүк тасымалы» ЖШС кәсіподақ филиалының төрағасы Ермек Төлегенов кәсіподақ филиалы құрамын бекіту және серіктестік бойынша 2021-2023 жылдарға арналған Ұжымдық шарттағы №5 келісімге толықтырулар енгізу туралы баяндаса, Сала кәсіподағы Орталық кеңесінің ағымдағы жұмысы жайында «Қазкөліккәсіп» ҚБ төрағасы Оразғали Ахметбаев ақпарат берді. Сонымен қатар, Қызылорда, Ақмола, Маңғыстау, Алматы, Ақтөбе, Орал, Семей теміржолының кәсіподақ басшылары өз өңірлерінің атқарған жұмысы жайлы мәлімет берді.  

«ҚТЖ-Жүк тасымалы» ЖШС бас директорының орынбасары Досбол Құлекеев еңбек жағдайын жақсарту бойынша Ұжымдық шартқа енгізілген өзгерістер туралы әңгімеледі. Оның сөзін серіктестіктің адами ресурстарды басқару және әлеуметтік саясат департаментінің бас менеджері Айгүл Мусина толықтырып, Ұжымдық шарт шығындары сметасының әлеуметтік жеңілдіктер бойынша орындалуы туралы мәліметтер келтірді.  

– Биылғы 8 айдағы әлеуметтік жеңілдіктер бюджетінің іс жүзінде орындалу көрсеткіші 3 млрд 609 млн теңгені құрады. Осы жылы еліміздегі 10 санаторийге баруға 5 мың жолдама сатып алынып, бүгінге дейін нақты 3556 қызметкер мен зейнеткер демалып қайтты. Сонымен қатар 7 балалар лагеріне 3650 жолдама сатып алынып, теміржолшылардың балалары жазғы демалысын өткізді. Ерте зейнетке шығу Ережесіне сәйкес 2020 жылдан бері 615 адам зейнетке шығарылды. Машинистердің жасына қарай салалық жәрдемақы төлемі бойынша 40 АЕК-ден, машинист көмекшілеріне 31 АЕК-ден ақша төленді. Теміржолшылар мерекесіне орай серіктестіктің 599 қызметкері моральдық және материалдық ынталандыру бойынша Комиссияның хаттамалық шешіміне сәйкес марапатталды. 25 адам «Құрметті теміржолшы» белгісіне, 100 қызметкер «Адал  еңбегі үшін» төсбелгісіне, 53 адам «Кәсібі бойынша үздік» атағына, 53 адам «Үздік маман», 15 қызметкер «Үздік басшы» атағына ие болса, 15 адамның есімі «Үздік мамандар» құрмет тақтасына ілікті. «ҚТЖ» ҰК» АҚ Президентінің Құрмет грамотасын – 150 қызметкер, 195 адам Алғыс хат алды. «ҚТЖ-25 жыл» мерейтойлық медалі 1557 адамға, «Жүк тасымалы» бас директорының Құрмет грамотасы мен Алғыс хаты 476 адамға берілді, – деген А.Мусина серіктестік бойынша Ұжымдық шарт аясында жасалған өзге де жұмыстар туралы жанжақты баяндады.  

Ал адами ресурстарды басқару және әлеуметтік саясат департаменті кадр бөлімінің маманы Әсел Ибраева өңірлік коэффициент туралы толық мәлімет берді. Ол биыл 1 қаңтардан бастап желілік филиалдар қызметкерлерінің жалақысы саралап көтерілгенін, нақтырақ айтқанда, 2-9 разрядтағы қызметкерлер ақысы 40 мың теңгеге, 10-13 разрядтағы жұмысшылар айлығы 35 мың теңгеге, 14-19 разрядтағы қызметкерлер еңбекақысы 30 мың теңгеге өскенін атап өтті.  

Түстен кейін қорытындыланған отырыс жұмысы 16 өңірден шақыртылған ардагерлер мен кәсіподақ белсенділерін «Кәсіподаққа 30 жыл» мерейтойлық төсбелгісімен марапаттап, арнайы электронды сағаттар тарту етумен аяқталды. Кеңес отырысына қатысушылар іс-шараның ресми бөлімінен соң елордада жаңадан ашылған Орталық мешітке барып, қаланың көрікті жерлерін аралады.  

 

Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды
Жаңалықтар
15.04.2024
Су басқан аймаққа Түркістан өңіріндегі теміржолшылар да атсалысуда
Аймақтар
15.04.2024
Талас станциясынан 24 арнайы ауыр техника тиеген құрам жолға шықты
Жаңалықтар
15.04.2024
Су тасқыны кезінде 21 мыңға жуық адам ҚТЖ пойыздарымен тасымалданды
Аймақтар
15.04.2024
Ақтөбеге ауыр техникалар келді
Аймақтар
15.04.2024
Қызылордадан БҚО-ға жүк пойыздарына тиелген 106 арнайы техника жөнелтілді
Аймақтар
15.04.2024
Атыраулық теміржолшылар су тасқынына қарсы жұмыстарға атсалысып жатыр
Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады