ҚТЖ 10 айда 210 млн тоннадан астам жүк тасымалдады
2022 жылғы қаңтар-қазан айларының қорытындысы бойынша «ҚТЖ» ҰК» АҚ желісінде тиеу өткен жылдың деңгейінде қалып, 211,7 млн тонна жүкті құрады.
Республика бойынша теміржол көлігімен шамамен 141 млн тонна жүк тасымалданды, бұл өткен жылдан 2,4%-ке жоғары. Экспортқа 70,7 млн тоннасы жөнелтілді.
Тас көмірдің 88,7 млн тоннадан астамы тиелсе, өткен жылға қарағанда өсім 3,2%-ке артты. Оның ішінде республика бойынша 61,3 млн. тонна тиелсе, бұл өткен жылғы деңгейден 2%-ке жоғары. Қатты отынның экспорттық жөнелтілімдері 6,5%-ке, яғни 27,5 млн тоннаға дейін өсті. Астық 7,7 млн тонна тасымалданды, бұл өткен жылдан 5,6%–ке жоғары, оның ішінде экспортқа - 6 млн тонна (+10,2%). Ұнтақ өнімдері 2,4 млн тоннасы (+26%) тасымалданса, оның ішінде экспортқа жөнелтілгені – 1,7 млн тонна (51,3%).
10 айда мұнай жүктерін тиеу 7%-ке (15,4 млн тоннаға дейін), химиялық тыңайтқыштарды 3%-ке (3,3 млн. тоннаға дейін), түсті кен 1,3%-ке (18,7 млн. тоннаға дейін), құрылыс жүктерін 2%-ке (13,6 млн. тоннаға дейін) жақсарды.
2022 жылдың қазан айындағы жалпы тиеу 21,6 млн тоннаны құрады. Есепті кезеңде 9,2 млн тонна тас көмір тиелді. Оның ішінде республикалық қатынаста 6,6 млн тонна болса, өсім 2,3%-ті құрады. Экспортқа 2,5 млн тонна қатты отын жөнелтілді.
Биылғы астықты тиеу 1 млн тоннадан асып, өсім 26%-ке артты. Оның ішінде экспортқа – 860 мың тоннадан астам (+41,5%).
Мұнай жүктерін жөнелту 16%-ке (1,6 млн тоннаға дейін), қара металдарды жөнелту 3,4%-ке (371 мың тоннаға дейін), түсті кен мен күкірт шикізатын жөнелту 6,2%-ке (1,8 млн тоннаға дейін) ұлғайды.