Көмір тасымалы штаттық режимде өтуде

Жүк тасымалы
18.11.2022, 09:20
Суретті түсірген автор
Қуаныш Қожаев

Абай облысы бойынша меншікті тілші

Ел шығысында қайтадан құрылған Абай және Шығыс Қазақстан облыстарын көмірмен негізінен Семей ЖТ бөлімшесінің теміржолшылары қамтамасыз етеді. Бұл ретте биылғы көмір тасымалы штаттық режимде жүріп жатыр.

Бүгінде қос аймақтағы барлық бюджеттік мекемелер қатты отынмен 100 пайыз қамтылған. Осы орайда Абай облысын жекелей қарастырсақ, биылғы жүргізілген есеп бойынша ағымдағы жылыту маусымындағы жалпы қажеттілік 564 мың тоннаны құрайды екен. Ал оның 442,2 мың тоннасы, яғни 78,4 пайызы бүгінде тасып жеткізілген. Бұл дегеніміз облыс көлеміндегі барлық жылу көздеріндегі нормативтік пайдалану қоры 119 пайыз қамтылды деген сөз. Барлық іс-шаралар жоспардан ауытқымай жүргізілуде.  

Биылғы жылдың қараша айының 15-ші жұлдызындағы есеп бойынша Абай облысының барлық теміржол тұйықтарында жалпы саны 14,5 мың тонна көмір жатыр. Оның ішінде көмір тұтынуда алдыңғы орында тұрған облыс орталығы, яғни бір ғана Семей қаласының өзінде 8,6 мың тонна көмір бар.  

Осы ретте әр тәулік сайын облыс көлеміндегі әрбір теміржол тұйығына орта есеппен алғанда 30 вагон көмір немесе 2 мың тонна қатты отын жеткізіледі. Әйтсе де, бұл өте жоғары көрсеткіш болғанымен аяз түссе, көмірге деген сұраныс күрт артуы мүмкін. Себебі Абай облысы да, Шығыс Қазақстан облысы да газдандырылмаған. Барлық жылу қазандықтары мен жеке сектор тек көмірге тәуелді.  

Қазіргі таңда Семей ЖТ бөлімшесі бойынша көмір жеткізуде кешенді жұмыстар жүргізілуде. Бұл ретте жергілікті теміржолшылар үшін кестеден ауытқу жоқ және тосын кедергілер туындамаған. Вагон жетіспеушілігін шешу мақсатында алдын ала іс-шаралар қабылданған. Сол себептен де, Дегелең станциясы мен Жаңа-Семей жүк станциясындағы жұмыс процесі мейлінше қауырт. Жүргізіліп жатқан жұмыстар барысы бөлімше басшысы Владимир Бабиченконың назарында тұр.  

Қазіргі күні Абай облысында көмір тасымалдау бойынша арнайы мониторингілік топ жұмыс істейді. Олар кірме жолдардың иелерімен бірлесіп стратегиялық жүкті жеткізу мәселелерін шұғыл шешуде. Сондай-ақ, сала мамандары жергілікті атқарушы билік өкілдерімен, көмір саудалаушы компания өкілдерімен тығыз байланыс орнатқан. Қазіргі таңда Абай облысы бойынша коммуналдық-тұрмыстық секторды көмірмен қамту бойынша жалпы саны 10 теміржол тұйығы жұмыс істеп тұр. Оның төртеуі облыс орталығы Семей қаласында орын тепкен. Әлеуметтік көмір алушылар алдын ала жазылатын болғандықтан жаңа облыстың орталығында қазір қарбалас жоқ.  

Көмірдің тоннасы Семейде автокөлікпен жеткізіп беруді қоса алғанда 11,400 теңгеден сатылып жатыр. Бұл республикамыздағы ең төменгі баға.  

 

Жаңалықтар
15.08.2025
Гана азаматы темір жол нысанында заңсыз жұмыс істеп келген
Жүк тасымалы
15.08.2025
Қазақстан Еуразияның басты көлік торабына айналуда
ҚТЖ келбеті
15.08.2025
Ұжымға сыйлы, мамандығына адал тұлға
Әлеумет
15.08.2025
«Саламатты Қазақстан» медициналық пойызы солтүстікті аралап жүр
Жаңалықтар / Мұрағат
15.08.2025
Қазақстан теміржолшысы газеті, №65 15 тамыз 2025 жыл
Аймақтар
14.08.2025
Вокзалда туристерге QR-код таратылды
Қауіпсіздік
14.08.2025
Апат айтып келмейді
Инфрақұрылым
14.08.2025
Жуалыда теміржол асты көпірі кеңейтіліп, жаңғыртылуда
Әлемде
14.08.2025
Қытай Тибетте тағы бір теміржол салмақ
Спорт
14.08.2025
Абай тойында теміржолшылар топ жарды
Аймақтар
13.08.2025
Төретам станциясында жүк айналымы артып келеді
Әлемде
13.08.2025
Сянлушань станциясынан Еуропа мен Орталық Азияға жаңа бағыт ашылды
Жаңалықтар
13.08.2025
Мәдени мұра ізімен: Jibek Joly туристік пойызы кезекті турға аттанады
Аймақтар
12.08.2025
Батыс Қазақстан облысында төрт теміржол вокзалы жаңғыртылады
Жүк тасымалы
12.08.2025
Достық станциясында Қытайға экспорттық жүктерді беру бойынша рекорд орнады
Цифрландыру
12.08.2025
Сандық технология – уақыт талабы
Цифрландыру
12.08.2025
Бәйгеқұм станциясында автоматтандырылған шлагбаум орнатылуда
Инфрақұрылым
12.08.2025
Тараз вокзалының қос қабаты түгел жаңарады
Жаңалықтар
12.08.2025
Теміржол тарихына саяхат
Жаңалықтар / Мұрағат
12.08.2025
Қазақстан теміржолшысы газеті, №64 12 тамыз 2025 жыл