Дегелең станциясында көмір тиейтін жүк пойыздарының саны 13-14- ке жеткізіледі

Жүк тасымалы
24.01.2023, 09:15
Суретті түсірген автор
Қуаныш Қожаев

Абай облысы бойынша меншікті тілші

Қыс қаһарына мінген қаңтарда қатты отын тұтынатын өңірлердің көмірге сұранысы арта түскен. Соған орай кен орындары мен тасымалдаушылар қызметі жанданды. Мысалы, қатты отынға тапсырыс артқалы «Қаражыра» көмір кеніші өндіріс барысын ұлғайтып, теміржолшылар тасымал процесін жеделдетуге кіріскен.

Республиканы Қаражыра көмірімен қамтуда күретамыр саналатын Дегелең – Ақсу, Дегелең – Жаңа-Семей телімдері бүгінде толық күшінде жұмыс істеуде. Жоспарланған кесте бойынша тәулігіне 10 жұп жүк пойызын өткізу керек болса, тапсырыстың артуына байланысты 11 немесе 12 жұп көмір тиелген пойыздар жүруде.  

Ағымдағы жылы «Қаражыра» АҚ көмір өндіруді 9 млн тоннаға жеткізуді міндет етіп отыр. Бұл ретте басты әріптесі – ҚТЖ ұлттық компаниясы қызметі арқылы, яғни теміржолмен 8,7 млн тонна қатты отын жөнелтуді межелеуде. Көмір өндіруші компания техникалық мүмкіндіктерін арттыру мақсатында бірқатар инвестициялық бағдарламаларды сәтімен іске асыруда: жалпы құны 42,0 млн АҚШ доллары көлеміндегі қаражатқа тау-кен өндірісіне арналған техникалар сатып алған. Соның ішінде сегіз карьерге арналған, әрқайсысы 220 тонна жүк көтере алатын «БелАЗ»-75306 самосвалы, Hitachi ЕХ-3600 маркалы екі эксковатор және тағы басқа ауыр жүк машиналарына қол жеткізген. Оның сыртында өндірістік қуаты сағатына 1200 тонна көмірді құрайтын жаңа сұрыптау-байыту кешенін іске қосты. Яғни жылжымалы құрамдарға көмір тиеу ісі бұрынғыға қарағанда әлдеқайда өнімдірек болмақ. Ал теміржолшылар міндеті – Дегелең станциясындағы көмір тиеу процесін жылыту маусымы кезінде тәулігіне 560 вагонға дейін жеткізу болмақ. Семей ЖТ бөлімшесі өндірістік техникалық бөлімінің бастығы Гүлнар Төлеуханованың айтуынша, оған толық мүмкіндік бар.  

Қазіргі таңда Семей бөлімшесіне қарасты станцияларда көмір түсіру жұмыстарына бірінші кезекте орын берілген. Семей, Аягөз, Шар станцияларындағы көмір тұйықтарына қатты отын кедергісіз жүргізілуде. Әр тәулік сайын оларға 30 вагон көмір немесе 2 мың тонна қатты отын жеткізіледі.  

Жалпы биылғы қыстың суық болуына байланысты оңтүстік өңірлерден, тіпті алыс-жақын шетелдерден Қаражыра көміріне деген сұраныс күрт артқан.  

– Өткен жылдың соңында бос вагондарды жинап алу бойынша бірқатар мәселелер туындаған болатын. Ал жаңа жылдан бастап вагон саны жеткілікті. Абай облысының көлемі бойынша көмір қарбаласы жоқ. Отын бағасы да өзге облыстармен салыстырғанда айтарлықтай қымбаттамады, – дейді бөлімшенің логистика және жүк тасымалын ұйымдастыру бөлімінің мамандары.

Расында да, Семейдегі көмір тұйықтарында көмірдің тоннасы жеткізіп беру қызметін қоса алғанда 12 400 теңгеден саудалануда. Бұл – еліміздегі ең төмен баға.  

– Алдағы уақытта көмір тиейтін жүк пойыздарының саны 13-14- ке жеткізілмек. Былтыр Дегелең станциясы дамытылып, жаңадан үш бірдей қабылдау-жөнелту жолдарының салынуы оған толық мүмкіндік береді. Қазір станциядағы жолдар саны 9-ға жетіп, тынысы кеңіген, – дейді Семей ЖТ бөлімшесі өндірістік техникалық бөлімінің бастығы Гүлнар Төлеуханова.  

Бүгінгі күндері бөлімше бойынша көмір тасымалы штаттық режимде жүргізілуде. Шартарапқа қатты отын жеткізуде вагондарды сұрыптау жұмыстарына басымдық берілетін Жаңа-Семей жүк станциясындағы өндіріс артып, маневрлік тепловоздар саны да көбейтілуде.  

 

Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады
Жолаушылар тасымалы
11.04.2024
Жолаушылар пойызында қыз бала дүниеге келді
Әлеумет
11.04.2024
«Кедентранссервис» су тасқынынан зардап шеккендерге көмек жіберді
Аймақтар
11.04.2024
Теміржолшыларға алғыс айтты
Аймақтар
11.04.2024
Қызылордада экологиялық айлық аясындағы жұмыстар жалғасуда
Жаңалықтар / Апта саны
11.04.2024
7 мыңнан астам адам су басқан аймақтардан пойызбен шығарылды
Әлеумет
11.04.2024
Түркістан станциясы су тасқынынан зардап шеккендерге біркүндік еңбек ақысын аударды
Инфрақұрылым
11.04.2024
Елімізде жүк және жолаушылар тасымалына инвестиция үш есе артқан
Әлеумет
11.04.2024
«Жолаушылар тасымалы» АҚ су тасқыны қаупі бар аймақтардан балаларды тасымалдайды