Ақпан айының алғашқы екі аптасында ҚТЖ желісі бойынша 500 мың тоннаға жуық астық тиелді
Корреспондент газеты «Қазақстан теміржолшысы»
Биылғы ақпан айының бірінші жартысында теміржол көлігінде астық тиеу шамамен 500 мың тоннаны құрап, өткен жылдың ұқсас кезеңіне қарағанда 8,5%-ке, оның ішінде экспортқа 1%-ке, республика ішінде 45%-ке ұлғайды.
Бүгінде қазақстандық астық Орталық Азия, Иран, Ауғанстан, Қытай және басқа елдерге экспортталады.
Елдің солтүстік өңірлерінен астық жүктері экспортқа маршруттық пойыздармен жөнелтіледі. Осы кезеңде 76 құрам құрылып, жөнелтілді. Астық тасымалын бағыттау жүк жөнелтушілердің тасымалдау уақыты мен шығындарын қысқартуға мүмкіндік береді.
Әлеуметтік маңызы бар жүктерді, оның ішінде астық пен ұнтақ өнімдерін жеткізу мәселелері бойынша «ҚТЖ» ҰК» АҚ жүк жөнелтушілермен, жергілікті атқарушы органдармен, мемлекеттік органдармен жедел өзара іс-қимыл жасайды.
Астық пен ұнтақ өнімдерін тасымалдауды ұйымдастыру жөніндегі жедел штаб жұмыс істейді. Бұл туындаған мәселелерді қысқа мерзімде шешуге, жүк ағындарын маршруттау мәселелері бойынша бөлімшелердің жұмысын үйлестіруге, жүктерді жөнелтушілермен және алушылармен өзара іс-қимыл жасауға мүмкіндік береді. Жедел астық топтарының тәулік бойғы жұмысы ұйымдастырылды.
– Бүгінгі күні астық жүктерін тасымалдауға арналған барлық жоспарлар келісілді, вагондар жеткілікті мөлшерде қол жетімді, ҚХР бағытында контейнерлерде астықты тасымалдау тұрақты және екі түйісу бойынша шектеусіз жүргізіледі, Сарыағаш ХМӨП бағытында қиындықтар жоқ. Айта кету керек, ақпан айында жүк жөнелтушілер тасымалдау процесін алдын-ала жоспарлауға мүмкіндік беріп, негізгі жоспарға жүгінді. Осыған байланысты, бірлескен жұмыс арқасында жүк жөнелтушілердің біркелкі тиеуімен және вагондар айналымын сақтауды қамтамасыз ету кезінде, жөнелтушілер ағымдағы айдың қорытындысы бойынша 1 млн тонна көлемінде астық тиеудің болжамды жоспарын орындайды деп ойлаймыз, – деп атап өтті «ҚТЖ-Жүк тасымалы» ЖШС бас директорының маркетинг және жоспарлау жөніндегі орынбасары Нұржан Келбұғанов.