10 айда темір жол көлігімен 220 млн тоннадан астам жүк тасымалданды
Осы жылдың қаңтар – қазан айларында «Қазақстан темір жолы» ҰК» АҚ желісінде жүк тиеу өткен жылдың сәйкес кезеңімен салыстырғанда 4% өсіп, 221,4 млн тоннаны құрады, деп хабарлайды Rail-news.kz.
Республика бойынша теміржол көлігімен 143,5 млн тоннадан астам жүк тасымалданса, бұл өткен жылдың көрсеткіштерінен 3% жоғары. Экспорт 6,1% артып, 78,3 млн тоннаны құрады.
Есепті кезеңде тас көмір тиеу 85,7 млн тоннадан асты, өсім 3,2%, оның ішінде республика ішінде – 59,5 млн тонна, экспорт – 26,4 млн тонна (+9%).
2025 жылдың он айында астық тасымалдаудың жалпы көлемі 11,2 млн тоннаны құрады, бұл өткен жылдың көрсеткіштерінен 38% артық. Оның ішінде 8,45 млн тонна экспортқа бағытталды (+39%), ал ішкі тасымалдар 34% ұлғайды.
10 ай ішінде қара металдарды тиеу 8,2% (4 млн тоннаға дейін) және химиялық тыңайтқыштарды тиеу 18,7% (3,9 млн тоннаға дейін) ұлғайды.