«Теміржолсу» нысандарды қысқа дайындауды аяқтауда
«Теміржолсу» АҚ («ҚТЖ» ҰК» АҚ еншілес кәсіпорны) 2026-2027 жылдардағы жылыту маусымына өндірістік объектілерді дайындау бойынша 17 іс-шараның 15-ін аяқтады, деп хабарлайды Rail-news.kz.
Қазандық шаруашылығын, қызметтік және өндірістік ғимараттарды, жылыту жүйелерін, жылу және су құбыры желілерін, сорғы станцияларын, резервуарлар мен су мұнараларын дайындау бойынша негізгі жұмыстар аяқталды.
Техника қысқы кезеңде пайдалануға дайындалып, персонал маусымдық арнайы киіммен қамтамасыз етілді және қажетті оқытудан өтті.
Қазіргі уақытта отынмен қамтамасыз ету жұмыстары жалғасуда. 4,6 мың тоннадан астам көмір жеткізіліп, 305 тонна көлемінде мазуттың 30 тәуліктік қоры қалыптастырылды.
«Теміржолсу» сонымен қатар ҚТЖ құрылымдық бөлімшелері мен еншілес ұйымдарын көмірмен қамтамасыз етуде. Жалпы көлемнің 68,7 мың тоннадан астамы тиелді. Соның 35 мың тоннадан астамы немесе 51% жөнелтілсе, оның ішінде 10,9 мың тоннадан астамы тұрмыстық көмір, ал 24,3 мың тоннадан астамы техникалық көмір.
Нысандардың дайындығын тексеру үшін «Теміржолсу» АҚ басшылығы өңірлерге жұмыс сапарларын өткізді. Мамандар Алматы, Талдықорған, Үштөбе, Достық, Шу, Тараз, Балқаш, Қарағанды, Ақтөбе, Шымкент, Павлодар, Ерейментау және Аягөз қалаларында болды.
Тексеру қорытындысы бойынша қажетті шаралар анықталып, олардың орындалуы бақылауға алынды.
Жұмыс объектілерді дайындау және жылу беру маусымына қажетті отын қорларын қалыптастыру толық аяқталғанға дейін жалғасады.