Жанар-жағар май тасымалына қажет цистерналар сұраныстан артық
«Қазақстан теміржолшысы» газетінің тілшісі
Жыл басынан бергі жеті ай ішінде Қазақстанда мұнай өнімдерін тиеу 8%-ға артып, 10 млн тоннаны құраған, деп хабарлайды Rail-news.kz. Оның ішінде қазақстандықтар үшін 7 млн тоннасы жеткізіліп, өткен жылға қарағанда өсім 13% құрады. Осы ретте, ҚР-да цистерналардың жылжымалы құрамының нарығы 2019 жылы ырықтандырылғанын атап өткен жөн. Мұнай өнімдерін Мұнай өңдеу зауыттарынан жеке компаниялар тасымалдайды. Бүгінгі таңда цистерналардың саны тапсырыс берген көлемнің қажеттілігінен асып түсіп отыр. Яғни, цистерналар артығымен жеткілікті болып отыр екен. «ҚТЖ» ҰК» АҚ Басқарма төрағасының жүк қозғалысы жөніндегі орынбасары міндетін атқарушы Оралхан Кулаков «ҚТЖ» ҰК» АҚ жүк жөнелтушілердің тасымал қажеттіліктерін қанағаттандыру, яғни жүк тасымалын толық көлемде қамтамасыз ету үшін барлық шараларды қабылдайды деп сендірді.