Түрксіб желісі бойына 5G интернеті келіп жетті

Цифрландыру
11.01.2024, 14:48
Суретті түсірген автор
Қуаныш Қожаев

Абай облысы бойынша меншікті тілші

Бүгінде Семей жүк тасымалы бөлімшесі бойынша теміржол бойының ғаламторға қолжетімділігі артуда. Бұл орайда өткен жыл біршама жемісті болды. Желі бойын жаһанжеліге қосуда «Транстелеком» АҚ филиалы – «Семейтранстелеком» компаниясы біршама тындырымды іс-шараларды нәтижелі атқарды.

Осыған дейіншағын станцияларды кең жолақты ғаламтормен қамту мақсатында талшықты оптикалық және LTE желілерін кезең-кезеңмен салу ісі жүзеге асқан болатын. Соның нәтижесінде Локоть – Дегелең, Семей – Ақтоғай учаскелері толық қамтылды. Сол тәрізді аталмыш филиал «Елді мекен 250+», «Цифрлы Қазақстан», т.б. сынды көптеген жаңашыл бағдарламалары аясында теміржолшылар игілігі үшін елеулі жұмыстар жүргізді. Бұл ретте заманауи коммуникацияларды дамыту мақсатындағы тағы бір маңызды қадам – нысандарды Wi-Fi желісіне қосуды да сәтімен жалғастыруда. Әсіресе Жаңа-Семей – Шар, Шар – Аягөз, Аягөз – Ақтоғай телімі бойындағы теміржол мекемелері ғана емес, өзге де әлеуметтік нысандар мен өндіріс ошақтары ғаламторға қосылып жатыр. Араларында Семей ЖТ бөлімшесімен әріптестік орнатқан бірқатар іргелі мекемелер де бар. 

Өткен жылдағы бір жаңашылдық – байырғы Түрксіб желісінің бойына жаңа буынның технологиясы саналатын 5G интернеті келіп жетті. Шағын станциялардағы теміржолшылар қауымы ғаламтор жылдамдығына таңғалуда. 

Бұл ретте өткен жылы Ақтоғай мен Аягөз және Үшбиік станциялары бойынша ауқымды жұмыс жүргізіліпті. Сол тәрізді шағын станциялар аса жоғары жылдамдықтағы интернетпен қатар заманауи цифрлы телевидениемен де қамтамасыз етілгенін де айта кеткен жөн.  

Қазіргі күндері «Транстелеком» АҚ телекоммуникация саласы ғана емес, АТ, автоматика және энергетика саласындағы жүйені де интеграциялауға мамандандырылған. Ал «Семейтранстелеком» филиалы – Семей аумағында бірқатар телекоммуникация қызметтерін көрсетеді. Атап айтсақ, халықаралық, қалааралық және жергілікті телефония, магистральды талшықты-оптикалық байланыс орнату, IPVPN желісіне қолжетімділік, сонымен қатар  бейнеоконференцбайланыс, хостинг қызметі де бар. Десек те, желі бойындағы нысандарды сапалы ғаламтормен қамту – бірінші кезектегі міндет.

– Бүгінде аталмыш компания филиалына тапсырыс көптеп түсуде. Әсіресе Ақтоғай мен Аягөз станциялары бойынша қызмет алушылар саны біршама артып отыр. Мәселен, желі бойындағы көптеген сауда нысандары, медицина мекемелері сынды заңды тұлғалардың өтініштерін орындап жатырмыз, – дейді бұл орайда пікір білдірген «Семейтранстелеком» компаниясыныңАқтоғай-Жарма телімі бойынша учаске бастығының міндетін атқарушы Нұрболат Ысқақов. 

Айта кетерлігі, аталмыш филиалдың Аягөз станциясындағы қызметкерлері үшін жаңадан салынып жатқан Бақты-Аягөз телімінің бойын да ғаламторға жалғау міндеті кезек күтіп тұр. Осы орайда өткен желтоқсан айында жаңа телімнің Түрксібпен түйісер тұсы – 22-ші жол айрығында ілкімді жұмыстар жүргізіліп, теміржолшылар өтінішімен бірқатар нысандарды Wi-Fi желісін қосу шаралары сәтімен ұйымдастырылған болатын. Бұл таяу болашақтағы ауқымды да жауапты жұмыстың алғашқы баспалдағы екендігі анық.

Жүк тасымалы
25.07.2024
ЕАЭО елдері теміржол көлігін дамыту мәселесін талқылады
Жүк тасымалы
25.07.2024
Атырауда жүк тасымалы межеден асып түсті
Әлеумет
25.07.2024
Қызылордалық 20 бала «Туған жерге саяхат» турымен Астанаға аттанды
Темір жол тарихы
25.07.2024
Паровоз тізгіндеген қазақ қызы
Жолаушылар тасымалы
24.07.2024
Пойызға билетсіз мінгізгені үшін жұмыстан шығарылды
Жаңалықтар
24.07.2024
Құрық теңіз порты мен Транскаспий халықаралық көлік бағытын байланыстыратын жол күрделі жөндеуден өтті
Жаңалықтар
24.07.2024
Кірме жолдарды мемлекеттік меншікке беру рәсімі аяқталды
Әлемде
23.07.2024
Германияда Еуро-2024 кезінде қалааралық пойыздармен 12 миллион жолаушы тасымалданды
Әлемде
23.07.2024
Еуропалық Одақ көлік жобаларына 7 миллиард еуро бөлмек
Жүк тасымалы
23.07.2024
ҚТЖ астық тасымалына дайындығын пысықтауда
Қауіпсіздік
23.07.2024
Атырауда техникалық-әдістемелік сабақ өтті
Жаңалықтар / Мұрағат
23.07.2024
«Қазақстан теміржолшысы» газеті, №60 23 шілде 2024 жыл
Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды